അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.വളരെ എളുപ്പത്തിലൊരു പൊറോട്ട ഉണ്ടാക്കിയാലോ? നല്ല കിടിലന്‍ രുചിയില്‍ എല്ലാവര്ക്കും ഇഷ്ടപ്പെടുന്ന ഒരു കിടിലന്‍ പൊറോട്ട. റെസിപ്പി നോക്കാം.
ആവശ്യമായ ചേരുവകള്‍
- ചോറ് – 1 കപ്പ്
- വെള്ളം – അരകപ്പ്
- ഉപ്പ് – ആവശ്യത്തിന്
- ഗോതമ്പ് – 2 കപ്പ്
- സണ്‍ഫ്‌ലവര്‍ ഓയില്‍ – 1 ടേബിള്‍ സ്പൂണ്‍
തയ്യാറാക്കുന്ന വിധം
ചോറും ഉപ്പും വെള്ളവും ചേര്‍ത്ത് മിക്‌സിയില്‍ നന്നായി അടിച്ചെടുക്കുക. ഇതിലേക്ക് ഗോതമ്പ് ചേര്‍ത്ത് നന്നായി കുഴച്ചെടുക്കുക. അതിലേക്ക് സണ്‍ഫ്‌ലവര്‍ ഓയിലും ചേര്‍ക്കുക. ഇത് അര മണിക്കൂര്‍ നേരം അടച്ച് മൂടിവയ്ക്കുക. ഈ മാവ് ചെറിയ ഉരുളകളാക്കി മാറ്റുക. ഇത് മടക്ക് ചപ്പാത്തി ഉണ്ടാക്കുന്നത് പോലെ പരത്തി എടുക്കുക. മടക്കുകള്‍ക്കിടയില്‍ സണ്‍ഫ്‌ലവര്‍ ഓയില്‍ ബ്രഷ് ചെയ്തു കൊടുക്കണം. കട്ടിയില്ലാതെ ഇത് പരത്തി എടുക്കുക. ഇത് ഒരു പാനില്‍ വച്ച് വേവിച്ചെടുക്കാം.
