അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഇന്ന് ഉച്ചയ്ക്ക് ഒരു സ്പെഷ്യൽ ഐറ്റം ഉണ്ടാക്കിയാലോ? കിടിലൻ സ്വാദിൽ എളുപ്പത്തിൽ തയ്യാറാക്കാവുന്ന ഫിഷ്‌ മോളി റെസിപ്പി നോക്കാം.
ആവശ്യമായ ചേരുവകൾ
- 1.കരി മീന്‍ അര കിലോ
- 2.കുരുമുളക് ഒരു ടീസ്പൂണ്‍
- പെരുംജീരകം ഒരു ടീസ്പൂണ്‍
- വെളുത്തുള്ളി നാല് ചുള
- ജീരകം ഒരു ടീസ്പൂണ്‍
- ഉപ്പ്‌ പാകത്തിന്
- കോണ്‍ഫ്ലോര്‍ രണ്ട് ടേബിള്‍ സ്പൂണ്‍
- കോഴിമുട്ട അടിച്ചത് ഒന്ന്
- 3.തേങ്ങാപാല്‍ ഒരു തേങ്ങയുടെ
- 4.കശുവണ്ടി അരച്ചത്‌ രണ്ട് ടേബിള്‍ സ്പൂണ്‍
- 5.എണ്ണ നാല് ഡിസേര്‍ട്ട് സ്പൂണ്‍
- 6.കറുവാപ്പട്ട രണ്ട് വലിയ കഷണം
- ഏലക്ക പത്ത്
- കുരുമുളക് ഒരു ടേബിള്‍ സ്പൂണ്‍
- കിസ്മിസ് 50 ഗ്രാം
- അണ്ടി പരിപ്പ് 50 ഗ്രാം
- 7.ചുവന്നുള്ളി 10
- പച്ചമുളക് ആറ്
- ഇഞ്ചി ഒരു കഷണം
- കറി വേപ്പില ഒരു കതിര്‍പ്പ്
- 8.സവാള വലുത് രണ്ടെണ്ണം
- 9.മാക്രോണി 5 ഗ്രാം
- ഗ്രീന്‍ പീസ്‌ നാല് ടേബിള്‍ സ്പൂണ്‍
- നെയ്യ് 50 ഗ്രാം
തയ്യാറാക്കുന്ന വിധം
കരി മീന്‍ വെട്ടി വൃത്തിയാക്കി കഴുകി രണ്ടാമത്തെ ചേരുവകള്‍ ചേര്‍ത്ത് കുഴച്ചത് പുരട്ടി 15 മിനിട്ട് വെക്കുക. തേങ്ങ ചുരണ്ടി ഒന്നാം പാലും, രണ്ടാം പാലും വേറെയാക്കുക. ഒന്നാം പാലില്‍ കശുവണ്ടി അരച്ചതും ചേര്‍ത്ത് മാറ്റി വെക്കണം. എണ്ണ ചൂടാക്കി ആറാമത്തെ ചേരുവകള്‍ വറുത്തു കോരുക. ബാക്കി എണ്ണയില്‍ ഏഴാമത്തെ ചേരുവകള്‍ ഇട്ടു നന്നായി വഴന്നു കഴിയുമ്പോള്‍ സവാളയിട്ട്‌ വഴറ്റണം. സവാള നന്നായി വഴന്നു കഴിഞ്ഞാല്‍ തയ്യാറാക്കി വെച്ചിരിക്കുന്ന രണ്ടാം പാല്‍ ചേര്‍ത്ത് മീന്‍ പെറുക്കിയിടുക. തിളച്ചു വരുമ്പോള്‍ കശുവണ്ടിയരച്ചു ചേര്‍ത്ത ഒന്നാംപാല്‍ ചേര്‍ത്ത് ആവി വരുമ്പോള്‍ അടുപ്പില്‍ നിന്നും ഇറക്കുക. വറുത്തു കോരി വെച്ചിരിക്കുന്ന ആറാമത്തെ ചേരുവകള്‍ ചേര്‍ത്തിളക്കണം . മാക്രോണി തിളച്ചവെള്ളത്തിലിട്ടു പുഴുങ്ങി ഗ്രീന്‍ പീസും ചേര്‍ത്ത് കറിയുടെ മുകളില്‍ വിതറാം.
