അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.വൈകീട്ട് ചായക്കൊപ്പം കഴിക്കാൻ ഒരു സ്പെഷ്യൽ സ്നാക്ക് ആയാലോ? രുചികരമായ ഇറച്ചി പോള തയ്യാറാക്കുന്നത് എങ്ങനെയാണെന്ന് നോക്കാം.
ആവശ്യമായ ചേരുവകൾ
- ബീഫ് കാൽ കിലോ
- മുട്ട 5
- മൈദ 5 tsp
- സവാള 4
- പച്ചമുളക് 5
- ഇഞ്ചി, വെളുത്തുളളി 1 tsp
- ഗരം മസാല പൊടി അര tsp
- മല്ലിയില,ഉപ്പ് ആവശ്യത്തിനു
- എണ്ണ 1 cup
- നെയ്യ് 1 tsp
തയ്യാറാക്കുന്ന വിധം
ബീഫ് ചെറുതാക്കി മുറിച്ച് ഉപ്പ് ചേര്‍ത്ത് വേവിക്കുക. ഒരു സോസ്പാനിൽ എണ്ണയൊഴിച്ച് ചൂടായാൽ ഉളളി ചേര്‍ത്ത് നന്നായി വഴറ്റുക. ഇതില്‍ ഇഞ്ചി, വെളുത്തുളളി, പച്ചമുളക് ചേര്‍ത്ത് വഴറ്റി വേവിച്ച ഇറച്ചിയും ഇട്ട് ഇളക്കുക ശേഷം ഗരം മസാലയും, മല്ലിയിലയും, ഉപ്പും ചേര്‍ത്തിളക്കി മസാല തയ്യാറാക്കുക. മുട്ട അടിച്ച് പതപ്പിക്കുക പതച്ചു പൊന്തിയാൽ മൈദ ചേർക്കുക. ഇതില്‍ ഒരു നുളള് ഉപ്പ് ചേർക്കുക. നോൺസ്റ്റിക്ക് പാത്രത്തില്‍ നെയ്യൊഴിച്ച് ഇതില്‍ മുട്ടക്കൂട്ട് പകുതി ഒഴിച്ച് ഒന്ന് വെന്താൽ ഇറച്ചി മസാല നിരത്തുക ഇനി ബാക്കി പകുതി മുട്ടക്കൂട്ട് ഒഴിച്ച് മൂടിവച്ച് ചെറുതീയിൽ വേവിക്കുക.
