അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.റൂപര്ട്ട് മര്ഡോക്കിന്റെ മാധ്യമ സാമ്രാജ്യത്തെച്ചൊല്ലി വര്ഷങ്ങളായി തുടരുന്ന തര്ക്കം അവസാനിപ്പിക്കാന് ഒരുങ്ങി അദ്ദേഹത്തിന്റെ കുടുംബം. തിങ്കളാഴ്ച ന്യൂസ് കോര്പ്പ് പ്രഖ്യാപിച്ച കരാറിലൂടെ, ഫോക്സ് ന്യൂസ്, ദി വാള് സ്ട്രീറ്റ് ജേണല്, ദി ന്യൂയോര്ക്ക് പോസ്റ്റ്, ദി ടൈംസ് എന്നിവ ഉള്പ്പെടുന്ന മീഡിയ പോര്ട്ട്ഫോളിയോയുടെ നിയന്ത്രണം മൂത്ത മകന് ലാച്ലാന് മര്ഡോക്ക് ഏറ്റെടുക്കും.
54 കാരനായ ലാച്ലാന്, 2023-ല് ന്യൂസ് കോര്പ്പിന്റെ ചെയര്മാനും ഫോക്സിന്റെ സിഇഒയുമായി സേവനമനുഷ്ഠിച്ചിട്ടുണ്ട്. അതെസമയം ലാച്ലാന്റെ മൂന്ന് സഹോദരങ്ങള്ക്കും കൂടി ഏകദേശം 3.3 ബില്യണ് ഡോളര് പ്രതിഫലം ലഭിച്ചതായി യുഎസ് മാധ്യമങ്ങള് കണക്കാക്കുന്നു.
2023ല് റൂപര്ട്ട് മര്ഡോക്കിന്റെ മരണശേഷമാണ് കമ്പനികളുടെ പൂര്ണ്ണ നിയന്ത്രണം ലാച്ലന് നല്കുന്നതിനായി കുടുംബ ട്രസ്റ്റിന്റെ ഘടന മാറ്റാന് ശ്രമിച്ചപ്പോഴാണ് പിന്തുടര്ച്ചാവകാശത്തെ ചൊല്ലിയുള്ള നിയമപോരാട്ടം പൊട്ടിപ്പുറപ്പെട്ടത്. ഡിസംബറില്, നെവാഡയിലെ ഒരു പ്രൊബേറ്റ് കോടതിയാണ് ട്രസ്റ്റ് മാറ്റല് ശ്രമത്തിനെതിരെ വിധി പ്രസ്താവിച്ചത്.
