അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നല്ല നാടൻ രീതിയിൽ മട്ടൻ വരട്ടിയെടുത്താലോ? എങ്ങനെ തയ്യാറാക്കാമെന്ന് നോക്കിയാലോ?
ആവശ്യമായ ചേരുവകള്‍
- ആട്ടിറച്ചി 250 ഗ്രാം
- വലിയ ഉള്ളി നീളത്തില്‍ കനം കുറച്ച് മുറിച്ചത് 3 എണ്ണം
- പച്ചമുളക് ചതച്ചത് 4 എണ്ണം സെ.മീ. കഷണം ഒന്ന് ( സ്കെയില്‍ വചോന്നും അളക്കേണ്ടതില്ല കേട്ടോ )
- വെളുത്തുള്ളി 1 ചുള ( ഏകദേശം പതിനഞ്ചു അല്ലി എങ്കിലും ഉണ്ടാകും ഒരു ചുളയില്‍ )
- പെരുഞ്ചീരകം 1 ടീസ്പൂണ്‍
- മല്ലിപ്പൊടി 2 ടേബിള്‍സ്പൂണ്‍
- മുളകുപൊടി 1 ടീസ്പൂണ്‍
- മഞ്ഞള്‍പ്പൊടി 1/2 ടീസ്പൂണ്‍
- ഗരം മസാലപ്പൊടി 1 ടീസ്പൂണ്‍
- തക്കാളി 2 എണ്ണം
- മല്ലിയില ചെറുതായി മുറിച്ചത് 1/2 കെട്ട്
- റിഫൈന്‍ഡ് ഓയില്‍ 4 ടേബിള്‍സ്പൂണ്‍
- പഞ്ചസാര 2 ടീസ്പൂണ്‍
- ചെറുനാരങ്ങ പകുതി
- ഉപ്പ് പാകത്തിന്
തയ്യാറാക്കുന്ന വിധം
ഇറച്ചി കഷണങ്ങളായി മുറിച്ച് കഴുകണം. മൂന്നു മുതല്‍ അഞ്ചു വരെയുള്ള ചേരുവകള്‍ വെവ്വേറെ ചതച്ചെടുക്കുക. പെരുഞ്ചീരകം നല്ല മയത്തിലരച്ച് മല്ലിപ്പൊടിയും ചേര്‍ത്ത് ഒന്നുകൂടെ അരച്ചെടുക്കുക. അടുത്തതായി ഒരു ചട്ടി അടുപ്പത് വച്ച് എണ്ണ ഒഴിക്കുക. എണ്ണ ചൂടാകുമ്പോള്‍ ഉള്ളി ഇട്ട് ഇളം ചുവപ്പ് നിറമാകുന്നതു വരെ വഴറ്റുക. അതിനുശേഷം അരച്ച മസാലകളും മുളകുപൊടിയും മഞ്ഞള്‍പ്പൊടിയും ചേര്‍ത്ത് മൂത്തവാസന വരുന്നത് വരെ ഇളക്കണം.
ഇനി ഇതില്‍ മുറിച്ച് വെച്ച ഇറച്ചി ഇട്ട്, എണ്ണ തെളിയുന്നത് വരെ തുടര്‍ച്ചയായി ഇളക്കി തക്കാളിയും ഉപ്പും രണ്ട് കപ്പ് വെള്ളവും ചേര്‍ത്ത് വേവിക്കുക. ഇറച്ചി ഒരു വിധം വെന്താല്‍ പഞ്ചസാര, മല്ലിയില, ചെറുനാരങ്ങാ നീര്, ഗരം മസാലപ്പൊടി എന്നിവ ചേര്‍ക്കുക. ഇറച്ചി വെന്ത് മസാല കുഴഞ്ഞ പരുവത്തിലായാല്‍ ഇറക്കി ഉപയോഗിക്കാം.
