അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ചേരുവകൾ:
ബസ്മതി അരി – 2 കപ്പ്
കറുത്ത കടല – 1 കപ്പ് (മുഴുവൻ രാത്രിയും വെള്ളത്തിൽ കുതിർത്തത്)
സവാള – 2 (നീളത്തിൽ അരിഞ്ഞത്)
തക്കാളി – 1 (ചെറുതായി അരിഞ്ഞത്)
ഇഞ്ചി-വെളുത്തുള്ളി പേസ്റ്റ് – 1 ടീസ്പൂൺ
മുളകുപൊടി – 1 ടീസ്പൂൺ
മഞ്ഞൾപ്പൊടി – 1/2 ടീസ്പൂൺ
ഗരം മസാല – 1/2 ടീസ്പൂൺ
ബിരിയാണി മസാല – 1 ടീസ്പൂൺ
പുതിനയില – 1/4 കപ്പ്
മല്ലിയില – 1/4 കപ്പ്
നെയ്യ് – 2 ടേബിൾസ്പൂൺ
ഉപ്പ് – ആവശ്യത്തിന്
വെള്ളം – ആവശ്യത്തിന്
കറുവാപ്പട്ട, ഏലക്ക, ഗ്രാമ്പൂ – 2-3 എണ്ണം
തയ്യാറാക്കുന്ന വിധം:
കുതിർത്ത കടല ആവശ്യത്തിന് ഉപ്പും വെള്ളവും ചേർത്ത് പ്രഷർ കുക്കറിൽ 4-5 വിസിൽ വരുന്നതുവരെ വേവിക്കുക.
ബസ്മതി അരി നന്നായി കഴുകി 30 മിനിറ്റ് വെള്ളത്തിൽ കുതിർക്കുക.
ഒരു വലിയ പാത്രത്തിൽ നെയ്യ് ചൂടാക്കി കറുവാപ്പട്ട, ഏലക്ക, ഗ്രാമ്പൂ എന്നിവ ചേർത്ത് മൂപ്പിക്കുക.
അരിഞ്ഞ സവാള ചേർത്ത് ഗോൾഡൻ ബ്രൗൺ നിറമാകുന്നതുവരെ വഴറ്റുക.
ഇഞ്ചി-വെളുത്തുള്ളി പേസ്റ്റ് ചേർത്ത് പച്ചമണം മാറുന്നത് വരെ വഴറ്റുക.
അരിഞ്ഞ തക്കാളി ചേർത്ത് നന്നായി വഴറ്റുക. തക്കാളി നന്നായി വെന്തുടയുമ്പോൾ മുളകുപൊടി, മഞ്ഞൾപ്പൊടി, ഗരം മസാല, ബിരിയാണി മസാല എന്നിവ ചേർത്ത് നന്നായി ഇളക്കി യോജിപ്പിക്കുക.
വേവിച്ച കടലയും പുതിനയിലയും മല്ലിയിലയും ചേർത്ത് നന്നായി യോജിപ്പിക്കുക.
ഇതിലേക്ക് കുതിർത്ത അരിയും ആവശ്യത്തിന് ഉപ്പും വെള്ളവും (അരി വേകാൻ ആവശ്യമായ വെള്ളം) ചേർത്ത് നന്നായി ഇളക്കുക.
പാത്രം അടച്ചുവെച്ച് ചെറിയ തീയിൽ വേവിക്കുക.
ചോറ് വെന്ത് പാകമായാൽ തീ അണച്ച് 10 മിനിറ്റ് നേരം അടച്ചുവെച്ച ശേഷം വിളമ്പാം.
ഇത് റൈത്ത, അച്ചാർ, പപ്പടം എന്നിവയ്‌ക്കൊപ്പം കഴിക്കാം.
