അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കൊച്ചി: ആപ്പിളിന്റെ പുതിയ ഐഫോണ്‍ 17 നിരയിലെ ഫോണുകളായ ഐഫോണ്‍ 17, ഐഫോണ്‍ 17 പ്രോ, ഐഫോണ്‍ 17 പ്രോ മാക്സ്, അള്‍ട്രാ-തിന്‍ ഐഫോണ്‍ എയര്‍ എന്നിവ എല്ലാ ക്രോമ സ്റ്റോറുകളിലും ലഭ്യമാകും. രാജ്യത്തെ 206 നഗരങ്ങളിലായുള്ള 574 ക്രോമ സ്റ്റോറുകളിലും ഓണ്‍ലൈനായി www.croma.com എന്ന വെബ്സൈറ്റിലും ഐഫോണ്‍ 17 സീരീസ് ഫോണുകള്‍ പ്രീ-ബുക്കിംഗ് ചെയ്യാവുന്നതാണ്. ആപ്പിള്‍ വാച്ച് സീരീസ് 11, ആപ്പിള്‍ വാച്ച് അള്‍ട്രാ 3, ആപ്പിള്‍ വാച്ച് എസ്ഇ 3, എയര്‍പോഡ്സ് പ്രോ 3 എന്നിവയുടെ പ്രീ-ബുക്കിംഗും ക്രോമയില്‍ ലഭ്യമാണ്.
ഐഫോണ്‍ പ്രീ-ഓര്‍ഡറുകള്‍ സെപ്റ്റംബര്‍ 12 ന് വൈകുന്നേരം 5:30 ന് ആരംഭിക്കും. ഐഫോണുകള്‍ സെപ്റ്റംബര്‍ 19 രാവിലെ 8:00 മുതല്‍ ലഭ്യമാകും. വാച്ചുകളുടെയും എയര്‍പോഡുകളുടെയും പ്രീ-ഓര്‍ഡറുകള്‍ ആരംഭിച്ചു. സെപ്റ്റംബര്‍ 19 രാവിലെ 8:00 മുതല്‍ ഉത്പന്നങ്ങള്‍ ലഭ്യമാകും.
വലിയ ഡിസ്പ്ലേകള്‍, എ19-സീരീസ് ചിപ്പുകള്‍, അപ്ഗ്രേഡുചെയ്ത സെന്റര് സ്റ്റേജ് ഫ്രണ്ട് ക്യാമറ, ഏറ്റവും പുതിയ ഡിസൈന്‍, പ്രവര്‍ത്തന മികവ്, ക്യാമറയിലെ പുതുമകള്‍ തുടങ്ങിയ മികച്ച ഫീച്ചറുകളുമായാണ് പുതിയ ഐഫോണ്‍ 17 നിരയിലെ ഫോണുകളെത്തുന്നത്. ഐഫോണ്‍ 17 ന് 82,900 രൂപ, ഐഫോണ്‍ എയറിന് 1,19,900 രൂപ, ഐഫോണ്‍ 17 പ്രോയ്ക്ക് 1,34,900 രൂപ, ഐഫോണ്‍ 17 പ്രോ മാക്സിന് 1,49,900 രൂപ എന്നിങ്ങനെയാണ് വിവിധ മോഡലുകളുടെ വില ആരംഭിക്കുന്നത്.
ഐഫോണ്‍ 17ന്റെ സ്റ്റോറേജ് കപ്പാസിറ്റി ആരംഭിക്കുന്നത് 256 ജിബിയിലാണ്. ആപ്പിള്‍ ഒരു നോണ്‍-പ്രോ മോഡലില്‍ ഇതാദ്യമായാണ് 6.3 ഇഞ്ച് സൂപ്പര്‍ റെറ്റിന എക്സ്ഡിആര്‍ ഡിസ്പ്ലേയും പ്രോ മോഷന്‍ സങ്കേതികതയും അവതരിപ്പിക്കുന്നത്. 10 മിനിറ്റ് ഫാസ്റ്റ് ചാര്‍ജിലൂടെ 8 മണിക്കൂര്‍ വരെ വീഡിയോ പ്ലേബാക്ക് സാധ്യമാകും. പുതിയ സെന്റര് സ്റ്റേജ് ഫ്രണ്ട് ക്യാമറ, 48 എംപി ഫ്യൂഷന്‍ ക്യാമറകള്‍ എന്നിവയാണ് ഐഫോണ്‍ 17 ന്റെ ക്യാമറ വിഭാഗത്തിലെ പുതുമകള്‍. അതേസമയം പ്രോ സീരീസിലെ ഫോണുകള്‍ക്ക് പുതുക്കിയ ഹൊറിസോണ്ടല്‍ ക്യാമറ ലേഔട്ട്, എ19 പ്രോ ചിപ്പ്, ഡിസ്‌പ്ലേയിലും തെര്‍മല്‍ വിഭാഗത്തിലും ഉള്ള മെച്ചപ്പെടുത്തലുകള്‍, മറ്റ് പ്രോ-ഗ്രേഡ് അപ്ഗ്രേഡുകള്‍ തുടങ്ങിയ മികവുകളാണുള്ളത്.
