‘അദ്ദേഹം ഒരു ഗ്രീന്‍ സിഗ്‌നല്‍ തന്നാല്‍ ആ സിനിമയുമായി മുന്നോട്ട് പോകും’;മോഹന്‍ലാല്‍ സിനിമയെ കുറിച്ച് കൃഷാന്ത്

ആവാസവ്യുഹം, പുരുഷ പ്രേതം എന്നീ സിനിമകളിലൂടെ പ്രേക്ഷശ്രദ്ധ നേടിയ സംവിധായകനാണ് കൃഷാന്ത്. മോഹന്‍ലാലിനെ നായകനാക്കി ഒരു ചിത്രം കൃഷാന്ത് ഒരുക്കുന്നു എന്ന റിപ്പോര്‍ട്ടുകള്‍ മുന്‍പ് പുറത്തുവന്നിരുന്നു. ഇപ്പോഴിതാ ഈ മോഹന്‍ലാല്‍ സിനിമയെക്കുറിച്ച് തുറന്ന് പറയുകയാണ് സംവിധായകന്‍ കൃഷാന്ത്.

കൃഷാന്തിന്റെ വാക്കുകള്‍…….

‘സ്‌ക്രീന്‍പ്ലേ വായിച്ച് അതിന്റെ ഡിസ്‌കഷനിലേക്ക് കടക്കുകയും അതിന്റെ ബജറ്റിങ്ങിലോട്ടൊക്കെ കയറുകയും ചെയ്തിട്ടുണ്ട്. മോഹന്‍ലാല്‍ സാറുമായി രണ്ട് മൂന്ന് മീറ്റിംഗ് കൂടി ബാക്കിയുണ്ട്. അദ്ദേഹം ഒരു ഗ്രീന്‍ സിഗ്‌നല്‍ തന്നാല്‍ ആ സിനിമയുമായി മുന്നോട്ട് പോകും. ആ സിനിമയുടെ തിരക്കഥ വളരെ ഇന്ററസ്റ്റിംഗ് ആയിട്ടാണ് എനിക്ക് തോന്നിയിട്ടുള്ളത്. വെറുക്കുന്നതിന് മുന്‍പ് ആ സിനിമ ചെയ്യണം. ഒരുപാട് വര്‍ഷം മുന്‍പ് തയ്യാറാക്കിയ തിരക്കഥയാണത്. ആവാസവ്യുഹം ഒക്കെ ചെയ്യുന്നതിനും മുന്‍പ് തയ്യാറാക്കിയ സ്‌ക്രിപ്റ്റ് ആണ്. ഹ്യൂമര്‍ ഉണ്ടെങ്കിലും ഒരു ഴോണറില്‍ തളച്ചിടാന്‍ കഴിയാത്ത സിനിമയാണ്’.

The budget has been finalized. A few meetings with Mohanlal are pending, and once he gives the green signal, the project will go on floors#mohanlal pic.twitter.com/MCkTLc6rD4

— Viji V (@VijinV475) September 11, 2025

സിനിമയുടെ ഷൂട്ടിംഗ് 2026 ആരംഭിക്കുമെന്ന് നേരത്തെ റിപ്പോര്‍ട്ടുകളുണ്ടായിരുന്നു. അതേസമയം, കൃഷാന്തിന്റെ ഏറ്റവും പുതിയ സിനിമയായ ‘സംഘര്‍ഷ ഘടന’ ആഗസ്റ്റ് എട്ടിന് പുറത്തിറങ്ങി. വിഷ്ണു അഗസ്ത്യ, സനൂപ് പടവീടന്‍, രാഹുല്‍ രാജഗോപാല്‍, ഷിന്‍സ് ഷാന്‍, സിലേഷ് കെ ലക്ഷ്മി, മൃദുല മുരളി, ജെയിന്‍ ആന്‍ഡ്രൂസ് എന്നിവരാണ് സിനിമയിലെ പ്രധാന അഭിനേതാക്കള്‍.