അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കാസര്‍ഗോഡ് ഭാര്യയുടെ കഴുത്തില്‍ വെട്ടിപ്പരുക്കേല്‍പ്പിച്ച് ഭര്‍ത്താവ് തൂങ്ങി മരിച്ചു. കുടുംബപ്രശ്‌നത്തിന്റെ പേരിലാണ് കൊലപാതകശ്രമമെന്നും ആത്മഹത്യയെന്നുമാണ് സൂചന. വെള്ളിയാഴ്ച രാവിലെ കുറ്റിക്കോല്‍ പയന്തങ്ങാനത്താണ് സംഭവം.
കുറ്റിക്കോല്‍ ടൗണിലെ ഓട്ടോ ഡ്രൈവറായ സുരേന്ദ്രന്‍ (51), ഭാര്യ സിനി (46)യെ കത്തി കൊണ്ട് കഴുത്തിന് വെട്ടുകയായിരുന്നു. സംഭവ സ്ഥലത്ത് ബേഡകം പൊലീസെത്തി അന്വേഷണം ആരംഭിച്ചു. പരുക്കേറ്റ സിനിയെ കാസര്‍കോട് സ്വകാര്യ ആശുപത്രിയില്‍ പ്രവേശിപ്പിച്ചു.
വട്ടേറ്റ സിനി സമീപത്തെ വീട്ടിലേക്ക് രക്ഷപ്പെട്ട് ഓടുകയായിരുന്നു. ഒടയഞ്ചാല്‍ നായിക്കയം സ്വദേശിയാണ് സിനി. അയല്‍ക്കാരന്‍ വീട്ടിലെത്തുമ്പോള്‍ സുരേന്ദ്രന്‍ വീടിന്റെ സ്റ്റേയര്‍കേസിന് സമീപം തൂങ്ങി മരിച്ച നിലയിലാണ് കണ്ടെത്തിയത്.
