അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നവകിരണം പദ്ധതിക്ക് ഭൂമി നൽകിയവർ പ്രതിസന്ധിയിൽ. പദ്ധതിയുടെ ഭാഗമായി വനംവകുപ്പിന് ഭൂമി കൈമാറിയവരാണ് പ്രതിസന്ധിയിലായത്. നാലുവർഷമായിട്ടും പണം ലഭിക്കാതെ മലപ്പുറം ചാലിയാർ പഞ്ചായത്തിലെ 23 കുടുംബങ്ങൾ. പണം ലഭിക്കാതിരുന്നാൽ ആത്മഹത്യയല്ലാതെ വഴിയില്ലെന്ന് ഭൂമി വിട്ടുകൊടുത്തവർ പറഞ്ഞു.
ഒരു കുടുംബത്തിന് 15 ലക്ഷം രൂപ നൽകി ഭൂമി സർക്കാർ ഏറ്റെടുക്കുന്നതാണ് പദ്ധതി. കുടുംബങ്ങൾ വാടകവീട്ടിലാണ് കഴിയുന്നത്. പലരും നയിക്കുന്നത് ദുരിത ജീവിതമാണ്. വനവിസ്തൃതി വർദ്ധിപ്പിക്കാൻ ആളുകളെ മാറ്റിപ്പാർപ്പിക്കുന്ന പദ്ധതിയാണ് നവകിരണം. വനാന്തരങ്ങളിൽ ഒറ്റപ്പെട്ടു താമസിക്കുന്ന ആദിവാസി ഇതര ജനവിഭാഗങ്ങളെ മാറി താമസിപ്പിക്കുന്നതിനുള്ള സാഹചര്യം ഒരുക്കുകയാണ് നവകിരണം പദ്ധതിയുടെ ലക്ഷ്യം.
STORY HIGHLIGHT : 23 families who donated land for the Navakiranam project are in crisis
