അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.അങ്കമാലി: മുതിർന്ന കോൺഗ്രസ് നേതാവും മുൻ നിയമസഭാ സ്പീക്കറുമായിരുന്ന പി പി തങ്കച്ചന്‌ ആയിരങ്ങളുടെ അന്ത്യോപചാരം. സംസ്‌കാരം ഇന്ന് നടക്കും. മുഖ്യമന്ത്രി പിണറായി വിജയൻ അടക്കമുള്ളവർ കഴിഞ്ഞ ദിവസം പെരുമ്പാവൂരിലെ വീട്ടിലെത്തി അന്തിമോപചാരം അർപ്പിച്ചിരുന്നു. വിവിധ രാഷ്‌ട്രീയകക്ഷി നേതാക്കളും സാമൂഹിക, സാംസ്‌കാരിക പ്രവർത്തകരും അന്ത്യാഞ്ജലി അർപ്പിച്ചു.
രാവിലെ വീട്ടിലെ പൊതുദർശനത്തിനുശേഷം വൈകിട്ട് 3.30ന് അങ്കമാലി അകപ്പറമ്പ് സാബോർ അഫ്രോത് വലിയ കത്തീഡ്രൽ സെമിത്തേരിയിലാണ് സംസ്‌കാരം. വൈകിട്ട് അഞ്ച് മണിക്ക് പെരുമ്പാവൂർ മുനിസിപ്പൽ സ്റ്റേഡിയത്തിൽ അനുശോചന യോഗവും നടക്കും.
