അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നല്ല വില കൊടുത്ത് തേങ്ങ വാങ്ങിയിട്ട് അത് ചീത്തയാവുന്നത് അടുക്കളയിലെ തലവേദനയാണ്. തേങ്ങ മുറിച്ച്‌ വെച്ച് അല്‍പസമയം കഴിഞ്ഞാല്‍ തന്നെ അതിന്റെ നിറം മാറി ചീത്തയാകുന്നു. തേങ്ങ കേടുകൂടാതെ ദീര്‍ഘനാള്‍ സൂക്ഷിക്കുന്നതിനും ചില ടിപ്പ്സുകൾ ഉണ്ട്. എന്തൊക്കെയാണെന്ന് നോക്കാം.
ചിരകിയ തേങ്ങ ഫ്രിഡ്ജിൽ നാല് മുതൽ അഞ്ച് ദിവസം വരെ സൂക്ഷിക്കാവുന്നതാണ്. നല്ല എയർ ടൈറ്റ് കണ്ടെയ്നറിൽ സൂക്ഷിക്കുകയാണെങ്കിൽ കേടാകാതെ ഇരിക്കും. കുറെ അധികം ചിരകിയ തേങ്ങ ഉണ്ടെങ്കിൽ ഫ്രീസറിൽ സൂക്ഷിക്കുന്നതാകും നല്ലത്. അഞ്ച് മാസം വരെ ഇങ്ങനെ സൂക്ഷിക്കാൻ കഴിയും. ചിരകിയ തേങ്ങ അളവനുസരിച്ച് തിരിച്ച് ഫ്രീസർ ബാഗുകളിൽ സൂക്ഷിക്കുന്നതാണ് ഉത്തമം.
ഫ്രിഡ്ജ് അല്ലാതെയും തേങ്ങ സൂക്ഷിക്കാൻ കഴിയുമെന്നത് നിങ്ങൾക്ക് അറിയാമോ?. നല്ല മൂപ്പെത്തിയ തേങ്ങ ചിരകി വെയിലത്തോ, ഓവനിലോ വെച്ച് നന്നായി ഉണക്കി എടുക്കുക. പാത്രത്തിൽ വറുത്തെടുത്താലും കുഴപ്പമില്ല. ചൂട് പോയതിന് ശേഷം ഈർപ്പം ഇല്ലാത്ത പാത്രത്തിൽ വായു കടക്കാത്ത വിധത്തിൽ സൂക്ഷിക്കാവുന്നതാണ്. മാസങ്ങളോളം ഇവ കേടാകാതെ ഇരിക്കും.
