അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ചേരുവകൾ
ചെമ്മീൻ കാൽ കിലോ, വെളിച്ചെണ്ണ 5 ടീസ്പൂൺ, സവാള 2 എണ്ണം, ഇഞ്ചി ചെറിയ കഷണം
വെളുത്തുള്ളി 10 അല്ലി, തക്കാളി ഒരെണ്ണം, മുളകുപൊടി രണ്ടര ടേബിൾ സ്പൂൺ,
മഞ്ഞൾപൊടി അര ടീസ്പൂൺ, ഉപ്പു പാകത്തിന്, കുടംപുളി 2ചുള, പച്ചമുളക് 3 എണ്ണം,
കറിവേപ്പില ആവശ്യത്തിന്.
തയാറാക്കുന്ന വിധം:-ചട്ടിയിൽ വെളിച്ചെണ്ണ ചൂടാക്കി അരിഞ്ഞ സവാളയും ഇഞ്ചിയും വെളുത്തുള്ളിയും ചേർത്ത് നന്നായി വരട്ടി ചെറുതായി അരിഞ്ഞ തക്കാളി ചേർത്ത് വഴറ്റുക. തക്കാളി വഴന്നു വരുമ്പോൾ മുളകുപൊടിയും മഞ്ഞൾപൊടിയും ചേർത്ത് ചെറുതീയിൽ വഴറ്റി ഉപ്പും അൽപം വെള്ളവും ഒഴിച്ച് തിളപ്പിക്കണം. ശേഷം കുടംപുളി ഇട്ടു തിളപ്പിച്ച് ചെമ്മീൻ ചേർത്ത് പച്ചമുളകും കറിവേപ്പിലയും ഇട്ടു തിളപ്പിച്ച് വെള്ളം നന്നായി വറ്റിച്ചു വാങ്ങി വയ്ക്കാം.
