അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഇന്നൊരു ചിക്കൻ ഫ്രൈഡ് റൈസ് ഉണ്ടാക്കിയാലോ? വളരെ എളുപ്പത്തിൽ തയ്യാറാക്കിയെടുക്കാവുന്ന ഒരു ചിക്കൻ ഫ്രൈഡ് റൈസ് റെസിപ്പി.
ആവശ്യമായ ചേരുവകൾ
- ചിക്കന്‍ പീസ് ആക്കിയത് – 300 ഗ്രാം (ബോണ്‍ലെസ്സ് ചിക്കന്‍ ആണ് വേണ്ടത് ..അത് ഇത്തിരി നീളത്തില്‍ മുറിച്ചത്)
- സോയ സോസ് – 2 ടേബിള്‍ സ്പൂണ്‍
- കോണ്‍ ഫ്‌ലോര്‍ – 3 സ്പൂണ്‍
- കുരുമുളക് പൊടി – ആവശ്യത്തിനു
- ഉപ്പു – ആവശ്യത്തിനു
ഇത്രേം ചേരുവകൾ ചിക്കനില്‍ പുരട്ടി 20 മിനിറ്റ് വെക്കുക. അതിനു ശേഷം ഇത്തിരി ഓയില്‍ ഒഴിച് ഫ്രൈ ചെയ്തു മാറ്റി വെക്കുക
II. ചേരുവകൾ
- ബസ്മതി റൈസ് – 2 കപ്പ്
- ചെറുതായി കട്ട് ചെയ്ത പച്ചക്കറി – കാരറ്റ് ,കാബജ്, കാപ്‌സികം ,ബീന്‍സ്, സ്പ്രിംഗ് ഒനിയന്‍ ഓരോ കപ്പ് വീതം.
- സവോള അരിഞ്ഞത് – 1 വലുത്
- വെളുത്തുള്ളി കൊത്തി അരിഞ്ഞത് – ഒന്നര സ്പൂണ്‍
- സോയ സോസ് – 2 ടേബിള്‍ സ്പൂണ്‍
- വിനാഗിരി – 1 ടേബിള്‍ സ്പൂണ്‍
- വെള്ള കുരുമുളക് പൊടി – (ആവശ്യത്തിനു)
- മുട്ട – 2 ( ഉപ്പ് ചേര്‍ത്ത് ചിക്കി പൊരിച്ചു വെക്കണം)
തയ്യാറാക്കുന്ന വിധം
നന്നായി വാഷ് ചെയ്ത 2 കപ്പ് ബസ്മതി റൈസ് അര മണിക്കൂര്‍ വെള്ളത്തില്‍ കുതിര്‍ക്കുക. അതിനു ശേഷം വേവിച് അധികം വെന്തു പോകാതെ വാര്‍ത്തെടുക്കുക. എന്നിട്ട് തണുക്കാന്‍ വെക്കുക. ഫ്രൈഡ് റൈസ് ഉണ്ടാക്കുന്നതിനു മുന്‍പേ എല്ലാ ചേരുവകളും അടുത്ത് റെഡി ആക്കി വെക്കണം. പിന്നെ നല്ല ഹൈ ഹീറ്റില്‍ സ്പീഡില്‍ വേണം മിക്‌സ് ചെയ്യാന്‍.
പാനില്‍ 2 സ്പൂണ്‍ സൺഫ്ലവർ ഓയില്‍ ഒഴിച് വെളുത്തുള്ളി വഴറ്റിയ ശേഷം സവോള, പച്ചക്കറി, പകുതി സ്പ്രിംഗ് ഒനിയൻ ചേര്‍ത്തു ഒന്ന് വഴറ്റുക. ഒന്നും വെന്തു പോകരുത്. അതിനു ശേഷം സോയ സോസ്, റൈസ്, മുട്ട, ചിക്കന്‍, കുരുമുളക് പൊടി, വിനാഗിരി എല്ലാം ചേര്‍ത്ത് പെട്ടന്ന് മിക്‌സ് ചെയ്ത് എടുക്കുക. തീ ഓഫ് ചെയ്യുക. ലാസ്റ്റ് ബാക്കിയുള്ള സ്പ്രിംഗ് ഒനിയന്‍ കൂടി ചേര്‍ക്കാം.
