അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.റിയാദ്:റിയാദിലെ താമസസ്ഥലത്ത് പ്രവാസി മലയാളി ഹൃദയാഘാതം മൂലം മരിച്ചു. താനൂർ, പനങ്ങാട്ടൂർ സ്വദേശി മുസ്ലിയാരകത്ത്, ഫിറോസ് (37) ആണ് ഹൃദയാഘാതംമൂലം മരണപ്പെട്ടത്. അസീസിയയിൽ ഡ്രൈവറായി ജോലി ആയിരുന്നു അദ്ദേഹത്തിന്. ഇന്ന് രാവിലെ മുറിക്ക് പുറത്ത് മരിച്ച നിലയിൽ കണ്ടെത്തുകയായിരുന്നു.
ഒപ്പമുള്ളവർ ഉടൻ തന്നെ ആശുപത്രിയിലെത്തിച്ചു മരണകാരണം ഹൃദയാഘാതമാണെന്നു സ്ഥിരീകരിച്ചു. ശാരീരിക അസ്വാസ്ഥ്യമനുഭപ്പെട്ടതിനെ തുടർന്ന് ഫിറോസ് കഴിഞ്ഞയാഴ്ച റിയാദിലെ ഒബൈദ് ആശുപത്രിയിൽ ചികിത്സ തേടിയിരുന്നു.
പരേതരായ മുഹമ്മദ് അലി, ബീവിക്കുട്ടി എന്നിവരാണ് മാതാപിതാക്കൾ. ഭാര്യ: അനീഷ, മകൾ: ഫൈസ ഫാത്തിമ. റിയാദ് മലപ്പുറം ജില്ലാ കെഎംസിസി വെൽഫെയർ വിങ്‌ ചെയർമാൻ റഫീഖ് ചെറുമുക്ക്, ജനറൽ കൺവീനർ റിയാസ് ചിങ്ങത്ത്, നൗഫൽ താനൂർ, ഫൈസൽ എടയൂർ, ജുനൈദ് താനൂർ എന്നിവരുടെ നേതൃത്വത്തിൽ നിയമ നടപടിക്രമങ്ങൾ പുരോഗമിക്കുന്നു.
