അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.തിരക്കേറിയ ജീവിതത്തിൽനിന്നും അവധിയെടുത്ത് വിശ്രമിക്കുന്നത് ഹൃദയ സംബന്ധമായ അസുഖങ്ങളുണ്ടാകുന്നത് കുറയ്ക്കുമെന്ന് പഠനം. അവധിക്കാലം ആഘോഷിക്കുന്നത് ആരോഗ്യത്തിന് ഏറെ ഗുണകരമാണെന്ന് ഗവേഷകർ നേരത്തെ തന്നെ കണ്ടെത്തിയിട്ടുണ്ട്. ഹൃദയാരോഗ്യത്തിന് അവധിക്കാലം ഏറെ ഗുണകരമാണ്.ഒരു വർഷത്തിൽ കൃത്യമായി ഇടവേളകളെടുത്ത് അവധിക്കാലത്തിന് പോകുന്നവർക്ക് മെറ്റബോളിക് സിൻട്രോമും മെറ്റബോളിക് ലക്ഷണങ്ങളും കുറഞ്ഞിരിക്കുമെന്ന് വിദഗ്ദർ അഭിപ്രായപ്പെടുന്നു.
ഹൃദയസംബന്ധമായ അസുഖത്തിന് കാരണമാകുന്ന ഘടകങ്ങളാണ് മെറ്റബോളിക് സിൻട്രോം. നിങ്ങളിൽ അത് കൂടുതലാണെങ്കിൽ ഹൃദയസംബന്ധമായ അസുഖങ്ങൾ വരാനുളള സാധ്യത കൂടുതലാണ്.എന്നാൽ അവധിയെടുത്ത് ഉല്ലാസയാത്രകൾക്ക് പോകുന്നവർക്ക് ഹൃദയസംബന്ധമായ അസുഖങ്ങൾ മറ്റുളളവരെക്കാൾ കുറവാണെന്ന് പഠനങ്ങൾ തെളിയിച്ചിട്ടുണ്ട്.
അവധിക്കാലം ഹൃദയാരോഗ്യത്തെ എങ്ങനെയാണ് സഹായിക്കുന്നതിനുളള ഗവേഷണം ഇപ്പോഴും നടക്കുന്നുണ്ട്. പക്ഷേ തിരക്കേറിയ ജീവിതത്തിൽ ജോലിക്കാർക്ക് അവധി അത്യാവശ്യമാണെന്നതിൽ യാതൊരു സംശയവുമില്ല. 80 ശതമാനം മുഴുസമയ ജോലിക്കാർക്കും അവധിക്കാലം ലഭ്യമാണ്, എന്നാൽ പകുതിയിൽ താഴെ ആളുകൾ മാത്രമാണ് അത് ഉപയോഗിക്കുന്നത്.ആളുകൾ കിട്ടുന്ന അവധിക്കാലം പരമാവധി പ്രയോജനപ്പെടുന്നത് അവരുടെ ആരോഗ്യത്തിന് ഏറെ സഹായകമാണ്.
