അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.രക്തത്തിൽ യൂറിക് ആസിഡിന്റെ അളവ് വർദ്ധിക്കുന്ന അവസ്ഥ ഇന്ന് വളരെ സാധാരണയായി മാറിയിരിക്കുകയാണ്. യൂറിക് ആസിഡിന്റെ (Uric Acid) ലക്ഷണങ്ങൾ കണ്ടെത്തി രോഗം നിർണയിക്കാൻ പലപ്പോഴും വൈകാറുണ്ട്. സാധാരണയായി ശരീരത്തിൽ കണ്ടു വരുന്ന പ്രശ്നങ്ങളായതിനാലാണ് ഇത് രോഗ നിർണയത്തെ പലപ്പോഴും വൈകിപ്പിക്കുന്നത്. ലക്ഷണങ്ങൾ കണ്ടെത്തി ഉടൻ തന്നെ ചികിത്സിച്ചില്ലെങ്കിൽ ഹൃദയാഘാതത്തിനും വൃക്ക സംബന്ധമായ പ്രശ്നങ്ങൾക്കും കാരണമാകാറുണ്ട്.
കാൽ വിരലുകളിലും നടുവിലും ഉണ്ടാകുന്ന വേദനയെ സാധാരണയായി കാണുന്നതാണെന്ന രീതിയിൽ പലപ്പോഴും നമ്മൾ അവഗണിക്കാറുണ്ട്. എന്നാൽ, ഇവയൊക്കെയും ചില അവസരങ്ങളിൽ യൂറിക് ആസിഡ് ശരീരത്തിൽ വർധിക്കുന്നുണ്ടെന്ന് കാണിച്ചു തരുന്ന ലക്ഷണങ്ങളാകാം. ഉയർന്ന യൂറിക് ആസിഡിന്റെ ലക്ഷണങ്ങൾ ശരീരത്തിൽ കാണിക്കുന്ന ലക്ഷണങ്ങൾ എന്തൊക്കെയാണെന്ന് നോക്കാം.
ചർമ്മ പ്രശ്നങ്ങൾ: യൂറിക് ആസിഡ് കൂടുന്നതു മൂലം ചർമ്മ പ്രശ്നങ്ങൾ ഉണ്ടാകാനുള്ള സാധ്യത ഏറെയാണ്. അലർജിയെന്ന് തോന്നിപ്പിക്കുന്ന ചർമ്മ പ്രശ്നങ്ങൾ യൂറിക് ആസിഡ് വർധിക്കുന്നത് മൂലമാകാം. ചുവന്ന നിറത്തിലെ പാടുകളായിരിക്കും ശരീരത്തിൽ വരുന്നത്. നിരന്തരമുള്ള ഇത്തരത്തിലെ ചർമ്മ പ്രശ്നങ്ങൾ യൂറിക് ആസിഡ് കൂടിയത് മൂലമാകാം.
കാൽ വിരലുകളിലെ വേദന: യൂറിക് ആസിഡിന്റെ മറ്റൊരു ലക്ഷണമാണ് കാലുകളിലുണ്ടാകുന്ന വേദന. പലപ്പോഴും ഈ വേദന വിരലിൽ മാത്രം വേദന ഒതുങ്ങി നിൽക്കില്ല. യൂറിക് ആസിഡിന്റെ ക്രിസ്റ്റലുകൾ ഉപ്പൂറ്റിയിൽ അടിയാൻ സാധ്യതയുണ്ട്. ഇത് കഠിനമായ വേദനയ്ക്കും കാരണമാകും.
നടുവ് വേദനയും കാൽ മരവിപ്പും: യൂറിക് ആസിഡ് തോത് വല്ലാതെ ഉയർന്നാൽ യുറേറ്റ് പരലുകൾ രൂപപ്പെടും. ഇത് പരലുകള്‍ പെരിഫെറല്‍ നാഡീവ്യൂഹത്തില്‍ അടിയുന്നത്‌ കാലുകള്‍ക്ക്‌ മരവിപ്പും തരിപ്പും സംഭവിക്കും. യൂറിക് ആസിഡ് പരലുകൾ നട്ടെല്ലിലും അടിഞ്ഞു കൂടാൻ സാധ്യതയുണ്ട്. ഇത് കടുത്ത നടുവ് വേദനയ്ക്ക് കാരണമാകും. പേശികളുടെയും സ്‌പൈനല്‍ ഡിസ്‌കുകളുടെയും കുഴപ്പമായി ഇത് തെറ്റിദ്ധരിക്കപ്പെടാറുണ്ട്‌.
മിതമായ പനിയും ശരീര വേദനയും: ഉയർന്ന തോതിൽ യൂറിക് ആസിഡ് ഉള്ളവർക്ക് മിതമായ രീതിയിൽ പനിയും ശരീര വേദനയും അനുഭവപ്പെടാറുണ്ട്. ഇത് മറ്റ് രോഗ നിർണയത്തിലേക്കും എത്തിക്കും.
മുകളിൽ പറഞ്ഞിരിക്കുന്ന ലക്ഷണങ്ങൾ ഇടയ്ക്കിടയ്ക്ക് ശരീരത്തിൽ അനുഭവപ്പെടുന്നുണ്ടോ എന്ന് ഉറപ്പു വരുത്തണം. നല്ലൊരു ഡോക്ടറെ കണ്ടതിന് ശേഷം ശരിയായ രോഗ നിർണയം നടത്തുക. അതിന് ശേഷം മാത്രം യൂറിക് ആസിഡ് കുറയുന്നതിനുള്ള ഡയറ്റ് എടുക്കണം. അതും ഡോക്ടറുടെ നിർദ്ദേശത്തോടെ ആയിരിക്കണം.
