അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.സ്ത്രീയെ ആക്രമിച്ച് സ്വർണ്ണമാല കവർന്ന കേസിൽ പ്രതി പിടിയിൽ. കോഴിക്കോട് ഇരിങ്ങണ്ണൂരിൽ വച്ച് അങ്കണവാടി ജീവനക്കാരിയായ ഉഷയെയാണ് ആക്രമിച്ചത്.
അങ്കണവാടിയിലേക്ക് പോവുന്ന വഴിയിൽ സ്കൂട്ടറിലെത്തിയ മോഷ്ടാവ് ഇവരെ അടിച്ചുവീഴ്ത്തി കഴുത്തിലുണ്ടായിരുന്ന മൂന്നര പവൻ സ്വർണ്ണമാല തട്ടിയെടുത്ത് രക്ഷപ്പെടുകയായിരുന്നു.
കാസർകോട് കീഴൂർ സ്വദേശിയായ 32-കാരൻ മുഹമ്മദ് ഷംനാസ് ആണ് ഈ കേസിൽ അറസ്റ്റിലായത്. ജൂലൈ മാസത്തിലാണ് സംഭവം നടന്നത്. തലശ്ശേരി മേഖലയിലും സമാനമായ നിരവധി മോഷണങ്ങൾ ഇയാൾ നടത്തിയിട്ടുണ്ട്.
കാസർകോട് എസ്പി-യുടെ നേതൃത്വത്തിലുള്ള പ്രത്യേക അന്വേഷണ സംഘമാണ് ഇയാളെ പിടികൂടിയത്. കാസർകോട്, കണ്ണൂർ ജില്ലകളിലായി ഇയാൾക്കെതിരെ 12-ൽ അധികം കേസുകൾ നിലവിലുണ്ട്. ഇവയെല്ലാം വിവിധ കോടതികളുടെ പരിഗണനയിലാണ്.
