അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ജാമ്യമില്ലാക്കേസിൽപ്പെട്ട പ്രതിയെ പിടികൂടാനെത്തിയ പൊലീസ് സംഘത്തെ ആക്രമിച്ച് പ്രതിയും ബന്ധുക്കളും. അക്രമത്തിൽ നിരവധി പൊലീസുകാര്‍ക്ക് പരുക്കേറ്റു. ഇവരെ എയിംസില്‍ പ്രവേശിപ്പിച്ചു. ഡല്‍ഹിയിലെ ഫത്തേപുര്‍ ബേരിയിലാണ് സംഭവം. ചന്ദന്‍ ഹോള ഗ്രാമത്തില്‍ ഒളിവില്‍ കഴിയുന്ന അസം എന്ന പ്രതിയെ പിടികൂടാനാണ് ഒരു കൂട്ടം പൊലീസുകാര്‍ സ്ഥലത്തെത്തിയത്.
അസമിനെ പിടിക്കാനുള്ള ശ്രമത്തിനിടെ ഇയാളും ബന്ധുക്കളും പൊലീസിനെ തടഞ്ഞു. ഇത് സംഘര്‍ഷത്തിൽ കലാശിക്കുകയായിരുന്നു. സംഭവം കണ്ട് തടയാനെത്തിയവർക്കും പരുക്കേറ്റു. ഇതിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുകയാണ്. അസമിനെതിരെ വീണ്ടും കേസ് റജിസ്റ്റർ ചെയ്തെന്നും പ്രതിക്കായി തിരച്ചില്‍ നടത്തുകയാണെന്നും പൊലീസ് പറഞ്ഞു.
