അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പത്തിരിക്കും ഇടിയപ്പത്തിനുമെല്ലാം കൂടെ കഴിക്കാൻ ഒരു ഉരുളക്കിഴങ്ങ് സ്റ്റു ആയാലോ? രുചികരമായി ഉരുളക്കിഴങ്ങ് സ്റ്റു തയ്യാറാക്കുന്നത് എങ്ങനെയെന്ന് നോക്കാം.
ആവശ്യമായ ചേരുവകൾ
- ഉരുളക്കിഴങ്ങ് – 4
- സവാള – 4
- പച്ചമുളക് – എരുവിന് ആവശ്യമായത്
- ഇഞ്ചി പൊടിയായി അരിഞ്ഞത് – 1 ടേബിൾ സ്പൂണ്‍
- തേങ്ങ – 1
- ഉപ്പു – ആവശ്യത്തിന്
- കറിവേപ്പില
തയ്യാറാക്കുന്ന വിധം
ഉരുളക്കിഴങ്ങും സവാളയും തൊലി കളഞ്ഞു ചതുര കഷ്ണങ്ങളായി നുറുക്കി, മുളക് കീറി ഇട്ടു, ഇഞ്ചിയും ഇട്ടു, അല്പം വെള്ളവും ആവശ്യത്തിനു ഉപ്പും ചേർത്ത് കുക്കറിൽ നന്നായി വേവിക്കുക. വെന്തു കഴിയുമ്പോൾ വെള്ളം വറ്റിയിട്ടുണ്ടാകണം. ഒരു തവി കൊണ്ട് കഷ്ണങ്ങൾ ചെറുതായി കുത്തി ഉടക്കുക. അതിലേക്കു 1 തേങ്ങയുടെ പാൽ ചേർത്ത് കറിവേപ്പിലയും ഇട്ടു തിളപ്പിക്കുക. പാൽ ഒഴിച്ച് കഴിഞ്ഞാൽ ഇളക്കിക്കൊണ്ടേയിരിക്കണം. ചെറുതായി തിള വരുമ്പോഴേ തീ കെടുത്തുക.
