അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ടെലികോം സേവനങ്ങളുടെ താങ്ങാനാവുന്ന വിലയും ലഭ്യതയും മെച്ചപ്പെടുത്തുന്നതിനുള്ള ശ്രമത്തിൽ, സർക്കാർ ഉടമസ്ഥതയിലുള്ള ഭാരത് സഞ്ചാർ നിഗം ലിമിറ്റഡും (ബിഎസ്എൻഎൽ) ഇന്ത്യ പോസ്റ്റും ചേർന്ന് ഒരു ധാരണാപത്രത്തിൽ (എംഒയു) ഒപ്പുവച്ചു. കരാർ പ്രകാരം, പാൻ ഇന്ത്യയിലെ 1.65 ലക്ഷത്തിലധികം പോസ്റ്റ് ഓഫീസുകൾ ബിഎസ്എൻഎൽ സിം കാർഡുകൾക്കും മൊബൈൽ ചാർജറുകൾക്കുമായി പോയിന്റ് ഓഫ് സെയിൽ (പിഒഎസ്) ആയി പ്രവർത്തിക്കും.
ഇതിലൂടെ ബിഎസ്എന്‍എല്‍ന്റെ ടെലകോം സേവനങ്ങള്‍ കൂടുതല്‍ എളുപ്പത്തില്‍ പ്രയോജനപ്പെടുത്താന്‍ കഴിയും. നിങ്ങളുടെ അടുത്തുള്ള പോസ്റ്റ് ഓഫീസ് വഴി സിം റീചാര്‍ജ്ജ് ചെയ്യാനും സിംകാര്‍ഡ് വാങ്ങാനും സാധിക്കും. പ്രത്യേകിച്ച് ഗ്രാമപ്രദേശങ്ങളില്‍ ഉള്ളവര്‍ക്ക് ഈ മാര്‍ഗ്ഗം കൂടുതല്‍ ഗുണം ചെയ്യും. ഡിജിറ്റല്‍ സേവനങ്ങള്‍ എല്ലാവരിലേക്കും എത്തിക്കുക, മൊബൈല്‍ സേവനങ്ങളുലൂടെ ഗ്രാമീണ കുടുംബങ്ങളെ ശാക്തീകരിക്കുക, സാമൂഹിക സാമ്പത്തിക വികസനം എന്നിവ മുന്നോട്ട് കൊണ്ടുപോവുക ഇവയാണ് ലക്ഷ്യം.
2025 സെപ്റ്റംബര്‍ 17 മുതല്‍ ഒരു വര്‍ഷത്തേക്കാണ് കരാര്‍. ഇത് പുതുക്കാനും സാധ്യതയുണ്ട്. ഡിഒപിയും ബിഎസ്എന്‍എല്ലും സംയുക്തമായി പങ്കാളിത്തം നിരീക്ഷിക്കുകയും സൈബര്‍ സുരക്ഷയും ഡേറ്റ സ്വകാര്യത മാനദണ്ഡങ്ങളും പാലിക്കുന്നുണ്ടെന്ന് ഉറപ്പുവരുത്തുകയും ചെയ്യും. ഇന്ത്യാപോസ്റ്റും ബിഎസ്എന്‍എല്ലും അസമില്‍ ഇതിനോടകം ഒരു പ്രൂഫ് -ഓഫ് -കണ്‍സെപ്റ്റ് വിജയകരമായി നടപ്പിലാക്കിയിട്ടുണ്ട്.
content highlight: BSNL
