അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.സിപിഐ 25-ാം പാര്‍ട്ടി കോൺഗ്രസ്‌ ചണ്ഡീഗഡിൽ തുടരുന്നു. പാർട്ടി കോൺഗ്രസിന്റെ രണ്ടാം ദിവസമായ ഇന്ന് രാവിലെ രാഷ്ട്രീയ പ്രമേയത്തെക്കുറിച്ചുള്ള ചർച്ച നടക്കും. ഉച്ചകഴിഞ്ഞ് സംഘടനാ റിപ്പോർട്ടിനെക്കുറിച്ചുള്ള ചർച്ചയും അവലോകന റിപ്പോർട്ടിനെക്കുറിച്ചുള്ള ചർച്ചയുമാണ് നടക്കുക.
അതേസമയം പാർട്ടിയിൽ മുരടിപ്പാണെന്നാണ് സംഘടനാ റിപ്പോർട്ടിൽ ചൂണ്ടിക്കാട്ടുന്നത്. ചിലർ പാർട്ടിയെ ഉപയോഗിച്ച് പണം ഉണ്ടാക്കുന്നുണ്ടെന്നും ചില നേതാക്കൾ പദവി മാത്രം ആഗ്രഹിക്കുന്നവരാണെന്നും റിപ്പോർട്ടിലുണ്ട്.
ഈ സാഹചര്യത്തിൽ വിശദമായ ചർച്ചയാകും നടക്കുക. ജനറൽ സെക്രട്ടറി ഡി.രാജക്ക് 75വയസ് പ്രായ പരിധി പിന്നിട്ടതിനാൽ മാറ്റം വേണമെന്ന നിലപാടിൽ കേരള ഘടകത്തിലെ നേതാക്കൾ ഉറച്ചു നിൽക്കുകയാണ്.
എന്നാൽ, തമിഴ്നാട്, കർണാടക തുടങ്ങിയ മറ്റു ദക്ഷിണേന്ത്യൻ സംസ്ഥാനങ്ങൾ ഡി. രാജയെ നിലനിർത്തണമെന്ന നിലപാടിലാണ്.
