അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഇന്ന് ഉച്ചയ്ക്ക് ചോറിനൊപ്പം കഴിക്കാൻ നല്ല മത്തി കറി ആയാലോ? കിടിലൻ സ്വാദിൽ തയ്യാറാക്കാവുന്ന ഒരു മീൻ കറിയുടെ റെസിപ്പി നോക്കാം.
ആവശ്യമായ ചേരുവകൾ
- മത്തി – 6 എണ്ണം
- കാശ്മീരിചില്ലി പൌഡർ 3 അല്ലെങ്കിൽ 4 സ്പൂണ്‍
- മഞ്ഞൾ പൊടി -അര സ്പൂണ്‍
- ഉലുവ- ഒരു നുള്ള്
- കടുക്
- ഇഞ്ചി – ചെറിയ കഷ്ണം
- കുഞ്ഞുള്ളി – 4 എണ്ണം
- വെളുത്തുള്ളി -3 എണ്ണം
- മല്ലിപൊടി -കാൽ സ്പൂണ്‍
- ഉപ്പ്‌ വെളിച്ചെണ്ണ
- വേപ്പില
- ഉണക്ക മുളക് – 2 എണ്ണം
- കുടം പുളി -2 ചെറിയ കഷ്ണം (കുതിർത്തത്)
തയാറാക്കുന്നു വിധം
ചൂടായ വെളിച്ചെണ്ണയിൽ, ഉലുവയും, കടുകും, ഉണക്ക മുളകും മൂപ്പിക്കുക, ഇഞ്ചി, ഉള്ളി, വെളുത്തുള്ളി അരിഞ്ഞത് ചേർത്ത്മൂക്കാൻ തുടങ്ങുമ്പോൾ പൊടികൾ ചേർത്ത് കരിയാതെ ഇളക്കുക. കുടമ്പുളിയും ആവശ്യത്തിനു വെള്ളവും ചേർത്ത് തിളക്കുമ്പോൾ ഉപ്പു ചേര്ക്കുക. മത്തിയും വേപ്പിലയും (കറി വേപ്പില) ചേർക്കുക. വെന്തു അല്പം കുറികിയ പരുവത്തിൽ ആകുമ്പോൾ, പച്ച വെളിച്ചെണ്ണയും, വേപ്പിലയും (കറിവേപ്പില) ചേർത്ത് വാങ്ങാം.
