അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഇന്നൊരു ഹെല്‍ത്തി ബ്രേക്ക്ഫാസ്റ്റ് ആയാലോ? നല്ല കിടിലൻ സ്വാദിൽ തയ്യാറാക്കാവുന്ന ഓട്സ് പുട്ട് തയ്യാറാക്കുന്നത് എങ്ങനെയെന്ന് നോക്കാം.
ആവശ്യമായ ചേരുവകള്‍
- ഓട്സ് ആവശ്യത്തിന് അനുസരിച്ച്
- കടുക് – 1/4 ടീസ്പൂണ്‍
- സവാള ചെറുതാക്കി അരിഞ്ഞത് – 1/4 എണ്ണം
- നാളികേരം – ആവശ്യത്തിന്
- മല്ലിയില
- ഉപ്പ്
തയ്യാറാക്കുന്ന വിധം
ഓട്സ് മിക്‌സിയില്‍ നന്നായി പൊടിച്ചെടുക്കുക. പാനില്‍ ഒരു ടീസ്പൂണ്‍ എണ്ണ ചൂടാക്കി കടുക് പൊട്ടിക്കുക. അതിലേക്ക് സവാള ചേര്‍ത്ത് വഴറ്റുക. മല്ലിയില, 2 1/2 ടേബിള്‍ സ്പൂണ്‍ നാളികേരം എന്നിവ ചേര്‍ത്തിളക്കുക. ഓട്‌സിലേക്ക് ആവശ്യത്തിന് ഉപ്പ് ചേര്‍ക്കുക. അത് നന്നായി ഇളക്കി യോജിപ്പിക്കുക. വെള്ളം ചേര്‍ത്ത് പുട്ട് കുഴക്കുന്ന പോലെ കുഴച്ചെടുക്കുക. ഇത് മിക്‌സിയില്‍ ഇട്ടു ഒന്ന് കറക്കിയെടുക്കുക. അതിലേക്കു നേരത്തെ തയാറാക്കി വച്ച മിക്‌സ് ചേര്‍ത്തിളക്കുക. പുട്ട് കുറ്റി എടുത്തു കുറച്ച് നാളികേരം ഇടുക. അതിലേക്ക് പൊടി ഇട്ടു കൊടുക്കുക. വീണ്ടും നാളികേരം നിരത്തി ആവി കയറ്റി വേവിക്കുക.
