അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നല്ല സോഫ്റ്റ് ഉണ്ണിയപ്പം ഉണ്ടാക്കിയാലോ? എങ്ങനെയാണ് തയ്യാറാക്കുന്നത് എന്ന് നോക്കിയാലോ? രുചികരമായ ഉണ്ണിയപ്പം റെസിപ്പി നോക്കാം.
ആവശ്യമായ ചേരുവകൾ
- പച്ചരി – 1 kg
- ശർക്കര – ഏകദേശം 1 1/4 kg
- പാളയങ്കോടൻ പഴം ( മൈസൂർ പഴം ) – 3/4 kg
- ഗോതമ്പ് പൊടി / മൈദ – 1/2 കപ്പ്‌
- എള്ള് – 2 ടേബിൾ സ്പൂണ്‍
- ജീരകം പൊടിച്ചത് – 1 ടേബിൾ സ്പൂണ്‍
- ഏലയ്ക്കാപ്പൊടി – 1 1/2 ടീ സ്പൂണ്‍
- ചുക്ക് പൊടി – 1/4 ടീ സ്പൂണ്‍
- തേങ്ങാക്കൊത്ത് നെയ്യിൽ മൂപ്പിച്ചത് – 1/2 കപ്പ്‌
- നെയ്യ് – 2 ടേബിൾ സ്പൂണ്‍
തയ്യാറാക്കുന്ന വിധം
പച്ചരി കുതിർക്കുക. ശർക്കര പൊട്ടിച്ചു അല്പം വെള്ളം ചേർത്ത് ഉരുക്കി , അരിച്ചു കരടെല്ലാം നീക്കി ചൂടാറിക്കുക. കുതിർന്ന അരി വെള്ളമൂറ്റിക്കളഞ്ഞു ശർക്കരപ്പാനി ചേർത്ത് അരയ്ക്കുക . മുക്കാൽ അരവാകുമ്പോൾ പഴം കഷ്ണങ്ങളായി ചേർത്ത് അരയ്ക്കുക. അരി നന്നായി അരഞ്ഞാൽ ഗോതമ്പുപൊടി / മൈദ ചേർത്ത് ഒന്ന് കൂടി 2 മിനിട്ട് അരയ്ക്കുക.
ഇനി മാവെടുത്ത്‌ അതിൽ ബാക്കി ചേരുവകളെല്ലാം ചേർത്ത് 10- 15 മിനിട്ട് വയ്ക്കുക. അപ്പക്കാരയിൽ വെളിച്ചെണ്ണ ഒഴിച്ച് ചൂടാകുമ്പോൾ മാവൊഴിച്ച് , ഒരു വശം പാകമാകുമ്പോൾ, പാകമായ വശം മുകളിലേക്കാക്കി മറു ഭാഗവും പാകം ചെയ്തെടുക്കുക.
