അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നമ്മുടെ ആധുനിക ഭക്ഷണക്രമത്തിൽ എണ്ണ ഒഴിവാക്കുന്നത് ബുദ്ധിമുട്ടാണ്, ഭാഗ്യവശാൽ നമുക്ക് അത് ഒഴിവാക്കേണ്ടതില്ല. ഹൃദയാരോഗ്യത്തിന് ആവശ്യമായ കൊഴുപ്പുകൾ, ആന്റിഓക്‌സിഡന്റുകൾ, വിറ്റാമിനുകൾ എന്നിവ നൽകുന്ന ധാരാളം എണ്ണകളുണ്ട്. അതേസമയം ചിന്തിക്കേണ്ട ഒന്നാണ് അമിതമായി എണ്ണ അടങ്ങിയ ആഹാരങ്ങള്‍ കഴിച്ചാല്‍ അത് നിരവധി ആരോഗ്യ പ്രശ്‌നങ്ങള്‍ ഉണ്ടാകും എന്നത്. എങ്കിലും നമ്മൾ ദിവസവും തട്ടാറുണ്ട് അല്ലെ?
സ്വാദിഷ്ടമാണെങ്കിലും ആരോഗ്യത്തിന് ഏറെ ദോഷം വരുത്തുന്നവയാണ് എണ്ണമയമുള്ള ഭക്ഷണങ്ങള്‍. വറുത്തതും പൊരിച്ചതും അധികം എണ്ണ ചേര്‍ത്ത് തയ്യാറാക്കുന്നതുമായ ഭക്ഷണവസ്തുക്കള്‍ ഈ ഗണത്തില്‍ പെടുന്നു. പൊതുവേ ഇവ സ്വാദിഷ്ടമാണ്. എന്നാല്‍ ആരോഗ്യത്തിന് തീരെ നല്ലതല്ല. വയറിനും ഇവ കഴിച്ചാല്‍ അസ്വസ്ഥതയുണ്ടാകുന്നത് സ്വാഭാവികമാണ്. എങ്കിലും രുചിയും കൊതിയും കൂടിയാകുമ്പോള്‍ പലരും ഇത് കഴിയ്ക്കുന്നത് പതിവുമാണ്. ഇവ കഴിച്ചാല്‍ ഉണ്ടാകുന്ന ദോഷഫലങ്ങള്‍ ഒഴിവാക്കാന്‍ ഒരു പരിധി വരെ ചില വഴികളുണ്ട്. ഇതെക്കുറിച്ചറിയാം.
ഉറക്കം
ദഹനത്തിന് നല്ല ഉറക്കം ഏറെ പ്രധാനപ്പെട്ടതാണ്. ഉറക്കക്കുറവ് കുടല്‍ ആരോഗ്യത്തെ ദോഷകരമായി ബാധിയ്ക്കുന്നു. ഇത് പിറ്റേന്ന് ഗ്യാസ്, ബ്ലോട്ടിംഗ്, മലബന്ധം പോലുള്ള പ്രശ്‌നങ്ങള്‍ക്ക് ഇടയാക്കുന്നു. നന്നായി ഉറങ്ങുന്നത് ശരീരത്തിനും മനസ്സിനും ഉന്മേഷം നൽകുന്നു. എണ്ണമയമുള്ള ഭക്ഷണങ്ങള്‍ കഴിച്ചാല്‍ അത് എളുപ്പത്തില്‍ ദഹിയ്ക്കാന്‍ ഉറക്കം സഹായിക്കുന്നു. മലബന്ധം അനുഭവപ്പെടുന്നുണ്ടെങ്കിൽ മഗ്നീഷ്യം കഴിക്കുന്നത് നല്ലതാണ്. ഇവ നിങ്ങളുടെ പേശികളെ സുഖപ്പെടുത്താനും വേദന കുറയ്ക്കാനും സഹായിക്കും.
നടത്തം
കൊഴുപ്പുള്ള ഭക്ഷണം കഴിച്ച ശേഷം 30 മിനിറ്റ് സാവധാനം നടക്കുന്നത് ദഹനത്തിന് സഹായിക്കുമെന്ന് പഠനങ്ങൾ പറയുന്നു. ദഹനം മെച്ചപ്പെടുത്താൻ നടത്തം സഹായിക്കുന്നു എന്ന് പഠനങ്ങൾ വ്യക്തമാക്കുന്നു. ഇത് വയറ്റിലെ ചലനം മെച്ചപ്പെടുത്തുന്നു. അതുപോലെ ശരീരഭാരം കുറയ്ക്കാനും സഹായിക്കുന്നു.. ഭക്ഷണം കഴിച്ച ഉടൻ വേഗത്തിൽ നടക്കുന്നത് രക്തത്തിലെ പഞ്ചസാരയുടെ അളവ് കൂടുന്നത് തടയും. അതുപോലെ രക്തത്തിലെ പഞ്ചസാരയുടെ അളവ് ശരിയായ രീതിയിൽ നിലനിർത്താനും സഹായിക്കും.ഭക്ഷണം കഴിച്ച ശേഷം കഠിനമായ വ്യായാമമുറകള്‍ ഒഴിവാക്കുക. ്പ്രത്യേകിച്ചും രാത്രി സമയത്ത്.
ആരോഗ്യകരമായ ഭക്ഷണം
ആരോഗ്യകരമായ ഭക്ഷണം കഴിക്കുന്നത് ആരോഗ്യത്തിന് വളരെ നല്ലതാണ്. ഭക്ഷണക്രമം മുൻകൂട്ടി തീരുമാനിക്കുന്നത് ജങ്ക് ഫുഡുകൾ ഒഴിവാക്കാൻ സഹായിക്കും. നല്ല പ്രഭാത ഭക്ഷണം ദിവസം മുഴുവൻ ഊർജ്ജം നൽകുന്നു. എണ്ണ പലഹാരങ്ങൾ കഴിച്ചാൽ ദഹിക്കാൻ എളുപ്പമുള്ള ഭക്ഷണം കഴിക്കുക. ഭക്ഷണത്തിൽ പച്ചക്കറികളും ധാന്യങ്ങളും നിർബന്ധമായും ഉൾപ്പെടുത്തുക. ശരീരത്തിൽ ആവശ്യത്തിന് ജലാംശം നിലനിർത്താൻ ധാരാളം വെള്ളം കുടിക്കുക. അത്താഴം ലഘുവായി കഴിക്കാൻ ശ്രമിക്കുക. കൂടാതെ, ഭക്ഷണം നന്നായി ചവച്ചരച്ച് കഴിക്കുക. ഇത് ദഹനത്തെ സഹായിക്കുന്നു. പ്രൊബയോട്ടിക്‌സ്‌ ദഹനത്തെ മെച്ചപ്പെടുത്തുകയും രോഗപ്രതിരോധശേഷി വർദ്ധിപ്പിക്കുകയും ചെയ്യുന്നു. യോഗര്‍ട്ട് പോലുള്ളവ ഭക്ഷണത്തിൽ ഉൾപ്പെടുത്തുക. എണ്ണപ്പലഹാരങ്ങള്‍ക്കൊപ്പവും ഭക്ഷണത്തിനൊപ്പവും സാലഡുകള്‍, ഇലകള്‍ എന്നിവ ഉള്‍പ്പെടുത്തുന്നത് ഒരു പരിധി വരെ ദോഷം കുറയ്ക്കുന്നു.
ഇളം ചൂടുവെള്ളം
എണ്ണമയമുള്ള ഭക്ഷണം കഴിച്ച ശേഷം ഇളം ചൂടുവെള്ളം കുടിക്കുന്നത് ദഹനവ്യവസ്ഥയെ മെച്ചപ്പെടുത്തുന്നു. വെള്ളം പോഷകങ്ങളുടെയും മാലിന്യങ്ങളുടെയും വാഹകനായി പ്രവർത്തിക്കുന്നു. ഇത് ദഹനത്തിന് സഹായിക്കുന്നു. നാരങ്ങാവെള്ളം, ഹെര്‍ബല്‍ ടീ തുടങ്ങി ഡീടോക്‌സിഫിക്കേഷന്‍ നടത്തുന്ന പാനീയങ്ങളും ഏറെ നല്ലതാണ്. പാനീയങ്ങൾ ശരീരത്തിലെ വിഷാംശം ഇല്ലാതാക്കാൻ സഹായിക്കുന്നു. നാരങ്ങാവെള്ളം കുടിക്കുന്നത് ശരീരത്തിലെ കൊഴുപ്പ് കുറയ്ക്കാൻ സഹായിക്കുമെന്ന് പഠനങ്ങൾ പറയുന്നു
