അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.അമിത ഭാരം അലട്ടുന്നവരാണോ നിങ്ങൾ? ഹെൽത്തി ആയിരിക്കാൻ ഡയറ്റ് റെസിപ്പി അന്വേഷിക്കുകകയാണോ. എന്നാൽ തയ്യാറാക്കാം രുചികരമായ ഓട്സ് ഓംലറ്റ്. ഈ വിഭവം തയ്യാറാക്കുന്നത് എങ്ങനെയാണെന്ന് നോക്കിയാലോ.
ചേരുവകൾ
- ഓട്സ് – 1/2 കപ്പ്
- പാൽ – 1/2 കപ്പ്
- മുട്ട – 2 എണ്ണം
- തക്കാളി – 2 ടേബിൾസ്പൂൺ
- പച്ചമുളക് – 1 അരിഞ്ഞത്
- മല്ലിയില – 2 ടേബിൾസ്പൂൺ അരിഞ്ഞത്
- കുരുമുളക് പൊടി – 1/2 ടീസ്പൂൺ
- സവാള – 2 ടേബിൾസ്പൂൺ
- കാരറ്റ് – 2 ടേബിൾസ്പൂൺ
- ഉപ്പ് – 1/2 ടീസ്പൂൺ
- എണ്ണ – ആവശ്യത്തിന്
തയ്യാറാക്കുന്ന വിധം
ഒരു മിക്സിയുടെ ചെറിയ ജാറിൽ ഓട്സ് ഇട്ട് നന്നായി പൊടിച്ചെടുത്ത് ഒരു പാത്രത്തിലേക്ക് മാറ്റുക ഇതിലേക്ക് പാൽ ഒഴിച്ച് മിക്സ് ചെയ്ത് അഞ്ച് മിനിറ്റ് കുതിരാൻ വയ്ക്കുക. വേറൊരു ബൗളിൽ മുട്ട പൊട്ടിച്ച് ഒഴിച്ച് കുരുമുളക് പൊടിയും ഉപ്പും ചേർത്ത് നന്നായി അടിച്ചെടുക്കുക ശേഷം സവാള, കാരറ്റ്, തക്കാളി, പച്ചമുളക്, മല്ലിയില എന്നിവ അരിഞ്ഞത് ചേർത്ത് യോജിപ്പിക്കുക. ശേഷം മുട്ടയുടെ മിക്സ് കുതിർത്ത ഓട്സിലേക്ക് ചേർത്ത് നന്നായി ഇളക്കി യോജിപ്പിക്കുക. ഓട്സ് ഓംലെറ്റ് മിക്സ് തയ്യാർ. ഇനി ഒരു പാൻ ചൂടാക്കി എണ്ണയൊഴിച്ച് ഓട്സ് ഓംലെറ്റ് മിക്സ് ഒഴിച്ച് നന്നായി വേവിച്ച് മറിച്ചിട്ട് വേവിച്ച് എടുക്കുക. രുചികരമായ ഹെൽത്തി ഓട്സ് ഓംലെറ്റ് തയ്യാർ.
STORY HIGHLIGHT :
