അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ന്യൂഡില്‍സ് എന്നത് നമ്മുടെ ഇഷ്ട വിഭവമാണ്. ജോലിക്ക് പോകുന്നവരുടെയും ഒറ്റയ്ക്ക് താമസിക്കുന്നവരുടേയുമെല്ലാം സ്ഥിരം ഭക്ഷണമാണ് ഇത്. വളരെ എളുപ്പത്തില്‍ ആശ്രയിക്കാന്‍ കഴിയുന്ന അല്പം റിച്ച് ഫുഡ് ആണ് ഈ ന്യൂഡില്‍സ്.
ഇന്ന് നമുക്ക് മിനുട്ടുകൾ കൊണ്ട് തയ്യാറാക്കാവുന്ന നിരവധി ഇന്‍സ്റ്റന്റ് ന്യൂഡിൽസ് വിപണിയിൽ ലഭ്യമാണ്. ഇതിനെയാണ് നമ്മൾ പലരും ആശ്രയിക്കാറുള്ളത്. എന്നാൽ ഈ ഇൻസ്റ്റന്റ് ന്യുഡിൽസ് അത്ര നല്ലതല്ല എന്നാണ് പോഷകാഹാര വിദഗ്ദ്ധർ പറയുന്നത്.
സാധാരണയായി ഒരു ഇന്‍സ്റ്റന്റ് ന്യൂഡില്‍സ് പാക്കറ്റിനുള്ളില്‍ സംസ്‌കരിച്ച ന്യൂഡില്‍സും അതിന് രുചി നല്‍കുന്ന മസാലയുടെ ഒരു ചെറിയ പാക്കറ്റുമാണ് ഉണ്ടാകുക. ചിലപ്പോൾ ഉണക്കിയ പച്ചക്കറികളും ഉണ്ടാകും. എന്നാൽ ഇതിൽ ഓരോ പാക്കറ്റിലും അടങ്ങിയിരിക്കുന്ന സോഡിയത്തിന്റെ അളവ് നാം കണക്കാക്കാറില്ല. ഓരോ പാക്കറ്റിലും 600-1500 എംജി സോഡിയം അതായത് ഉപ്പ് അടങ്ങിയിരിക്കുന്നതായാണ് കണ്ടെത്തലുകൾ.
എന്നാൽ ഒരു ദിവസം ശരീരത്തിനകത്ത് ചെല്ലാവുന്ന സോഡിയത്തിന്റെ അളവ് 2000 എംജിയാണെന്നാണ് ലോകാരോഗ്യ സംഘടന പറയുന്നത്. വല്ലപ്പോഴും മാത്രമാണ് ന്യൂഡില്‍സ് കഴിക്കുന്നത് എങ്കില്‍ ഈ പ്രശ്നം ഉണ്ടാകില്ല മറിച്ച് എന്നും ഇത് ശീലമാക്കുകയാണെങ്കില്‍ സ്വാഭാവികമായും ശരീരത്തിലെത്തുന്ന ഉപ്പിന്റെ അളവ് സ്വാഭാവികമായും വര്‍ധിക്കും. ഈ ഭക്ഷണ രീതി ശരീരത്തിന് ദോഷം ചെയ്യും.
ആഴ്ചയില്‍ രണ്ടുതവണയില്‍ കൂടുതല്‍ ഇത് കഴിക്കുന്നത് ഹൃദയത്തിന്റെ ആരോഗ്യത്തിനും പ്രമേഹത്തിനും കാരണമാകും എന്നാണ് കൊറിയയില്‍ നടത്തിയ ഒരു പഠനത്തില്‍ കണ്ടെത്തിയത്. കൂടാതെ ഇത് സ്ത്രീകളെയാണ് കൂടുതല്‍ ബാധിക്കുക എന്നും പറയുന്നു. ഫൈബര്‍ കുറവായതിനാല്‍ തന്നെ ഇത് ഗട്ടിന്റെ ആരോഗ്യത്തെ ബാധിക്കുകയും ടൈപ്പ് 2 പ്രമേഹത്തിനും ബവല്‍ കാന്‍സറിനും കാരണമാകും. ന്യൂഡില്‍സിനൊപ്പം മുട്ടയോ, ചിക്കനോ പ്രൊട്ടീനായി ചേര്‍ത്തില്ലെങ്കില്‍ നമുക്ക് വിശപ്പ് കൂടാൻ ഇത് കാരണമാകുകയും ചെയ്യും.
content highlight: Noodles
