ബീറ്റ്റൂട്ട് പാൽപുട്ട് കഴിച്ചിട്ടുണ്ടോ?

ബീറ്റ്റൂട്ട് പാൽപുട്ട് കഴിച്ചിട്ടുണ്ടോ?. പേരു പോലെ തന്നെ സോഫ്റ്റും പാൽ പോലെ രുചികവും ഗുണമുള്ളതുമാണ് ഇത്. മജീദ തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകള്‍

അരിപ്പൊടി- 1 കപ്പ്
വെള്ളം- 1 കപ്പ്
കാരറ്റ്- 1
ബീറ്റ്റൂട്ട്- 1
പഞ്ചസാര- 2 ടേബിൾസ്പൂൺ
പാൽപ്പൊടി- 2 ടേബിൾസ്പൂൺ
തേങ്ങ- 1/4 കപ്പ്
നെയ്യ്- 1 ടേബിൾസ്പൂൺ

തയ്യാറാക്കുന്ന വിധം

ഒരു ബൗളിലേയ്ക്ക് ഒരു കപ്പ് അരിപ്പൊടി എടുക്കാം. അതിലേയ്ക്ക് ആവശ്യത്തിന് ഉപ്പ് ചേർക്കാം. ഒരു കപ്പ് വെള്ളം അതിലേയ്ക്ക് ഒഴിച്ച് അടച്ചു വയ്ക്കാം. അരിപ്പൊടി വെള്ളം വലിച്ചെടുത്തിനു ശേഷം കാൽ കപ്പ് തേങ്ങ ചിരകിയതു ചേർക്കാം.അതിലേയ്ക്ക് രണ്ട് ടേബിൾസ്പൂൺ പഞ്ചസാരയും, ഒരു ടേബിൾസ്പൂൺ നെയ്യും, രണ്ട് ടേബിൾസ്പൂൺ പാൽപ്പൊടിയും ചേർത്തിളക്കി യോജിപ്പിക്കാം.ഒരു പാൻ അടുപ്പിൽ വച്ച് ചൂടാക്കി വെളിച്ചെണ്ണ ഒഴിക്കാം. അതിലേയ്ക്ക് ഒരു ബീറ്റ്റൂട്ട് ഗ്രേറ്റ് ചെയ്തതു ചേർത്തു വേവിക്കാം. അത് അരിപ്പൊടിയിലേയ്ക്കു ചേർത്ത് ചെറുതായി അരച്ചെടുക്കാം. പുട്ട് കുറ്റിയിലേയ്ക്ക് ഇത് മാറ്റി ആവിയിൽ വേവിക്കാം.