അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഇന്ത്യൻ നിർമ്മിത മെസേജിംഗ് ആപ്ലിക്കേഷനായ അറട്ടൈ (Arattai), ആപ്പ് സ്റ്റോറുകളിലെ ഒന്നാം സ്ഥാനത്ത്. വാട്സ്ആപ്പിനെ മറികടന്നാണ് ഈ നേട്ടം കൈവരിച്ചിരിക്കുന്നത്. ഔദ്യോഗികമായി ആപ്പ് സ്റ്റോറിലെ സോഷ്യൽ നെറ്റ്വർക്കിംഗിൽ ഒന്നാമതാണ് ആറാട്ടൈ എന്ന് കമ്പനി തന്നെ’എക്സിൽ’ പോസ്റ്റ് ചെയ്യുകയായിരുന്നു. ഇൻഫ്ലുവൻസർമാരുടെ പ്രോത്സാഹനങ്ങളും ട്രോളുകളും ദേശീയ വികാരമുണർത്തിയുള്ള ഡൗൺലോഡുകളും കാരണം ഒരാഴ്ചയായി ആപ്പിന് ചുറ്റും നിലനിന്ന ശ്രദ്ധ ഈ നേട്ടത്തോടെ പൂർണ്ണമായി
‘സംഭാഷണം’ അഥവാ ‘ചിത്രസംഭാഷണം’ എന്ന ആർത്ഥമുള്ള തമിഴ് വാക്കാണ് അറട്ടൈ. 2021-ൽ മാതൃസ്ഥാപനമായ സൊഹോയുടെ ഒരു ചെറിയ പദ്ധതിയായിട്ടാണ് ആരംഭിച്ചത്. എന്നാൽ, എ.ഐ (AI) ആകാംക്ഷ, സ്പൈവെയർ വിവാദങ്ങൾ, വലിയ ടെക് പ്ലാറ്റ്ഫോമുകളോടുള്ള വർധിച്ച ശ്രദ്ധ എന്നിവയുടെ കാലഘട്ടത്തി, “സ്പൈവെയർ രഹിത, മെയ്ഡ്-ഇൻ-ഇന്ത്യ മെസഞ്ചർ” എന്നതിൻ്റെ വാഗ്ദാനം പെട്ടെന്ന് ജനങ്ങളുമായി ബന്ധം സ്ഥാപിച്ചു.ു
ആപ്പിൻ്റെ പെട്ടെന്നുള്ള ജനപ്രീതിക്ക് ഭാഗികമായി കാരണം സർക്കാർ തലങ്ങളിൽ നിന്നുള്ള പിന്തുണയാണ്. പ്രാദേശിക ഡിജിറ്റൽ പ്ലാറ്റ്ഫോമുകളിലേക്ക് മാറാൻ കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ ഈ ആഴ്ചയുടെ തുടക്കത്തിൽ ഇന്ത്യക്കാരോട് അഭ്യർത്ഥിച്ചിരുന്നു. അതിൽ അറട്ടൈക്ക് മുൻഗണന നൽകി. ഉപയോക്താക്കൾ അത് ശ്രദ്ധിച്ചുവെന്ന് വേണം കരുതാൻ. ഐ.ഒ.എസ്, ആൻഡ്രോയിഡ് ചാർട്ടുകളിൽ വാട്സ്ആപ്പ്, ടെലിഗ്രാം, സിഗ്നൽ എന്നിവയെ തൽക്കാലത്തേക്ക് പിന്നോട്ട് തള്ളി അറട്ടൈ മുന്നേറി.
ടെക് സംരംഭകനായ വിവേക് വധ്വ അറട്ടൈ പരീക്ഷിച്ച ശേഷം തൻ്റെ അഭിപ്രായം എക്സിൽ കുറിച്ചു. “ഇന്ത്യയുടെ വാട്സ്ആപ്പ് കില്ലർ” എന്ന് വിശേഷിപ്പിച്ച അദ്ദേഹം, അറട്ടൈ രൂപത്തിലും ഭാവത്തിലും ഉപയോഗക്ഷമതയിലും വാട്സ്ആപ്പിന് തുല്യമാണെന്ന് പറഞ്ഞു. ആപ്പ് ഇപ്പോഴും ആൽഫ ഘട്ടത്തിലാണെന്നും വേഗത്തിൽ മെച്ചപ്പെടുത്തി വരികയാണെന്നും സൊഹോയുടെ സി.ഇ.ഒ. ശ്രീധർ വേമ്പു തന്നോട് പറഞ്ഞതായും അദ്ദേഹം കൂട്ടിച്ചേർത്തു. “സ്പൈവെയർ രഹിത ഉൽപ്പന്നത്തിനായി എനിക്ക് കാത്തിരിക്കാൻ കഴിയില്ല,” എന്നും വധ്വ കുറിച്ചു.
എന്നാൽ, ആപ്പിൻ്റെ എഞ്ചിനീയറിംഗ് ടീമിനെ നയിക്കുന്ന തൻ്റെ പഴയ സുഹൃത്തിന് വധ്വ രസകരമായ ഒരു ഫീഡ്ബാക്കും നൽകി: “ലോകത്തിന് ശരിക്കും ഉച്ചരിക്കാൻ കഴിയുന്ന ഒന്നിലേക്ക് ഇതിൻ്റെ പേര് മാറ്റുക.” അറട്ടൈയുടെ ഉച്ചാരണത്തെക്കുറിച്ചുള്ള ട്രോളുകൾ സോഷ്യൽ മീഡിയയിൽ പ്രചരിക്കുകയാണ്.
എങ്കിലും, വിജയം അതിൻ്റേതായ തലവേദനകൾ കൊണ്ടുവരുന്നുണ്ട്. ആപ്പ് ചാർട്ടുകളിൽ മുന്നേറിയതോടെ, ട്രാഫിക്ക് താങ്ങാനാവാതെ സെർവറുകൾ പ്രയാസപ്പെടുകയാണ്. പുതിയ ഉപയോക്താക്കളുടെ വർധനവ് താങ്ങാൻ “സെർവറുകൾ വികസിപ്പിക്കാൻ കഠിനമായി പരിശ്രമിക്കുകയാണ്” എന്ന് സൊഹോ തങ്ങളുടെ ആഘോഷ പോസ്റ്റിൽ സമ്മതിച്ചു. സൈൻ-അപ്പുകളിലും ഉപകരണങ്ങൾക്കിടയിൽ സന്ദേശങ്ങൾ സമന്വയിപ്പിക്കുന്നതിലും (sync) കാലതാമസങ്ങൾ നേരിടുന്നതായി ആദ്യകാല ഉപയോക്താക്കൾ റിപ്പോർട്ട് ചെയ്തിട്ടുണ്ട്.
