അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ദുബൈ എമിറേറ്റിലെ ജുഡീഷ്യറി സംവിധാനങ്ങൾ ആധുനികീകരിക്കുന്നതിന്‍റെ ഭാഗമായി ദുബൈ ക്രിമിനൽ കോടതികൾ നിലവിലെ പ്രധാന കെട്ടിടത്തിൽനിന്ന് ലേബേഴ്സ് ആൻഡ് എക്സിക്യുട്ടിവ് കോടതി ആസ്ഥാനത്തേക്ക് മാറ്റാൻ തീരുമാനമായി. പുതിയ കെട്ടിടം ഒക്ടോബർ ഒന്നിന് ഔദ്യോഗികമായി തുറക്കുന്നതോടെ എല്ലാ ക്രിമിനൽ കോടതികളും ഇതനുസരിച്ച് പ്രവർത്തനം പുനരാരംഭിക്കും.
കൂടാതെ കോടതികളുടെ പ്രവർത്തനങ്ങൾ സുഗമമായി മുന്നോട്ടുപോകുന്നുവെന്ന് ഉറപ്പുവരുത്തുന്നതിന്‍റെ ഭാഗമായി സാങ്കേതികമായ ക്രമീകരണങ്ങളും ക്രമീകരിച്ചിട്ടുണ്ട്. വിചാരണ നടപടികളും പരാതി നൽകുന്നവർക്കുള്ള സേവനങ്ങളുളും തടസ്സമില്ലാതെ തുടരുന്നുവെന്ന് ഉറപ്പുവരുത്തുന്ന രീതിയിൽ വിശദമായ പഠനം നടത്തിയ ശേഷമാണ് കോടതികളുടെ മാറ്റമെന്ന് ഫസ്റ്റ് ഇൻസ്റ്റൻസ് കോടതികളുടെ പ്രസിഡന്‍റ് ജഡ്ജി ഖാലിദ് യഹ്യ അൽ ഹുസാനി പറഞ്ഞു.
പുതിയ ആസ്ഥാനത്ത് പരാതിക്കാർക്കായി പുതിയ കാത്തിരിപ്പ് കേന്ദ്രങ്ങളും സേവന സൗകര്യങ്ങളും പുതിയ കെട്ടിടത്തിൽ ഒരുക്കിയിട്ടുണ്ട്.
STORY HIGHLIGHT: dubai criminal court moves to new location
