അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ദുബായ് ഷെയ്ഖ് മുഹമ്മദ് ബിൻ സായിദ് റോഡിൽ രണ്ട് ട്രക്കുകൾ കൂട്ടിയിടിച്ച് ഒരാൾക്ക് പരുക്കേറ്റു. ട്രക്ക് ഡ്രൈവർ ഉറങ്ങിപ്പോയതിനെത്തുടർന്ന് വാഹനത്തിന്റെ നിയന്ത്രണം നഷ്ടപ്പെട്ട് മുന്നിൽ പോവുകയായിരുന്ന ട്രക്കിലിടിച്ചാണ് അപകടമുണ്ടായതെന്നാണ് പ്രാഥമിക റിപ്പോർട്ടുകൾ വ്യക്തമാക്കുന്നത്. പരിക്കേറ്റയാളെ കുറിച്ചുള്ള കൂടുതൽ വിവരങ്ങൾ പോലീസ് വ്യക്തമാക്കിയിട്ടില്ല.
അൽ മക്തൂം എയർപോർട്ട് റൗണ്ട് എബൗട്ടിന് സമീപം അബുദാബിയിലേക്ക് പോകുന്ന ദിശയിലായിരുന്നു അപകടം ഉണ്ടായത്. ഇതിനെ തുടർന്ന് റോഡിൽ ഗതാഗതക്കുരുക്ക് അനുഭവപ്പെട്ടു. അപകടവിവരം അറിഞ്ഞ ഉടൻ തന്നെ ട്രാഫിക് വിദഗ്ധരെ സംഭവസ്ഥലത്തേക്ക് അയച്ചതായി പൊലീസ് ട്രാഫിക് ജനറൽ ഡിപ്പാർട്ട്‌മെന്റ് ഡയറക്ടർ ബ്രിഗേഡിയർ ജുമാ സാലിം ബിൻ സുവൈദാൻ പറഞ്ഞു.
അപകടത്തെ തുടർന്ന് ക്ഷീണിതരായി വാഹനമോടിക്കുന്നതിൻ്റെ അപകടങ്ങളെക്കുറിച്ച് പോലീസ് മുന്നറിയിപ്പ് നൽകി. വാഹനം ഓടിക്കുന്നതിന് മുൻപ് മതിയായ വിശ്രമം എടുക്കേണ്ടതിൻ്റെ ആവശ്യകതയും റോഡിലെ അപ്രതീക്ഷിത സാഹചര്യങ്ങളെക്കുറിച്ച് ജാഗ്രത പാലിക്കേണ്ടതിൻ്റെ പ്രാധാന്യവും അധികൃതർ വിശദീകരിച്ചു. കേടായ വാഹനം മാറ്റാനും സാധാരണ ഗതാഗതനില പുനഃസ്ഥാപിക്കാനും ഉടൻ നടപടികൾ സ്വീകരിച്ചു.
STORY HIGHLIGHT: dubai truck accident
