അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഐക്യു അടുത്ത ഫ്ലഗ്‌ഷിപ്പ് മൊബൈലായ ഐക്യു 15 (iQOO 15) ഈ മാസം ചൈനയിൽ പുറത്തിറക്കും. ഇതിന് പിന്നാലെ ഇന്ത്യയടക്കമുള്ള വിപണികള്‍ക്കായി ഐക്യു 15ന്‍റെ എത്തും. എന്നാൽ ലോഞ്ചിന്‍റെ കൃത്യമായ തീയതികള്‍ കമ്പനി ഇതുവരെ പ്രഖ്യാപിച്ചിട്ടില്ല. പ്രകാശനത്തിന് മുന്നോടിയായി ഐക്യു 15 സ്‌മാര്‍ട്ട്‌ഫോണിന്‍റെ പ്രൊസസര്‍, ക്യാമറ, ബാറ്ററി അടക്കമു
ള്ള ഫീച്ചറുകള്‍ പുറത്തുവന്നിരുന്നു. സ്‌നാപ്‌ഡ്രാഗണ്‍ 8 എലൈറ്റ് ജെന്‍ 5 പ്രൊസസറിലാണ് ഐക്യു 15 എത്തുക എന്നാണ് ദി മിന്‍റിന്‍റെ റിപ്പോര്‍ട്ട് ചെയ്യുന്നത്. 6.85 ഇഞ്ച് 2K സാംസങ് ഫ്ലാറ്റ് ഡിസ്‌പ്ലെയോടെയാണ് ഐക്യു 15 സ്‌മാര്‍ട്ട്‌ഫോണ്‍ വിപണിയിലെത്തുക എന്നാണ് സൂചന. 144 ഹെര്‍ട്‌സ് റിഫ്രഷ് റേറ്റ് ഉറപ്പുനല്‍കുന്ന ഡിസ്‌പ്ലെയായിരിക്കുമിത്.
അതേസമയം ഐക്യു 15ല്‍ ഉള്‍പ്പെടുക പുത്തന്‍ സ്‌നാപ്‌ഡ്രാഗണ്‍ 8 എലൈറ്റ് ജെന്‍ 5 ചിപ്പാണെന്ന് ഇതിനകം തന്നെ ഉറപ്പായിട്ടുണ്ട്. ഐക്യു തന്നെ വികസിപ്പിച്ച ക്യു3 ചിപ്പും ഇതിലുണ്ടാകും എന്ന് സ്ഥിരീകരിക്കാത്ത വിവരങ്ങളുമുണ്ട്.
മുന്‍ഭാഗത്ത് 50 എംപിയുടെ സെല്‍ഫി ക്യാമറ വരുമ്പോള്‍ റിയര്‍ ക്യാമറ വിശദാംശങ്ങള്‍ ഇതുവരെ എത്തിയിട്ടില്ല. ഐക്യു 15ല്‍ 7,000 എംഎഎച്ചിന്‍റെ വലിയ ബാറ്ററിയും 100 വാട്‌സ് വയേര്‍ഡ് ഫാസ്റ്റ് ചാര്‍ജിംഗ് പിന്തുണയും വരുമെന്ന സൂചനയും പ്രതീക്ഷ നല്‍കുന്നതാണ്.
മുന്‍ഗാമിയിലെ പോലെ തന്നെ ഐപി68, ഐപി69 റേറ്റിംഗ് ആവും ഐക്യു 15നും വരാന്‍ സാധ്യത.
