അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നല്ല മൊരിഞ്ഞ നാടന്‍ അച്ചപ്പം ഇനി സിമ്പിളായി വീട്ടിൽ ഉണ്ടാക്കാം. എങ്ങനെയെന്ന് നോക്കിയാലോ?
ആവശ്യമായ ചേരുവകള്‍
- പച്ചരി – 2 കപ്പ്
- മുട്ട – 2 എണ്ണം
- തേങ്ങാപ്പാല്‍ – കപ്പ്
- എള്ള് – 1 ടേബിള്‍സ്പൂണ്‍
- പഞ്ചസാര – ആവശ്യത്തിന്
- ഉപ്പ് – കാല്‍ ടീസ്പൂണ്‍
- വെളിച്ചെണ്ണ
തയ്യാറാക്കുന്ന വിധം
പച്ചരി രണ്ടര മണിക്കൂര്‍ വെള്ളത്തില്‍ കുതിര്‍ത്ത് വയ്ക്കുക. ശേഷം പൊടിച്ച് അരിച്ചെടുക്കുക. ബൗളിലേക്കു അരിപ്പൊടി ചേര്‍ത്തുകൊടുക്കുക. അതിലേക്ക് രണ്ടു മുട്ട നന്നായി അടിച്ചെടുത്തത് ചെര്‍ക്കുക. കുറച്ച് തേങ്ങാപ്പാലും അരിപ്പൊടിയില്‍ ചേര്‍ക്കുക. നന്നായി യോജിപ്പിച്ച ശേഷം ബാക്കി തേങ്ങാപ്പാലും പഞ്ചസാരയും എള്ളും ചേര്‍ക്കുക. ഒരു പാനില്‍ വെളിച്ചെണ്ണ ഒഴിച്ച് ചൂടാക്കുക. അച്ചപ്പത്തിന്റെ അച്ചും ചൂടാക്കണം. ചൂടായ അച്ച് എടുത്ത് മാവില്‍ മുക്കിയ ശേഷം വെളിച്ചെണ്ണയില്‍ വച്ച് കൊടുക്കുക. അച്ച് ഒന്ന് തട്ടിക്കൊടുത്താല്‍ അച്ചപ്പം അച്ചില്‍നിന്നും വിട്ടുവരും.
