അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കേസരി ഇഷ്ടമാണോ? എളുപ്പത്തിൽ ഹെൽത്തിയായ ഒരു റവ കേസരി ഉണ്ടാക്കിയാലോ? വളരെ എളുപ്പത്തിൽ തന്നെ തയ്യാറാക്കിയെടുക്കാം. എങ്ങനെയെന്ന് നോക്കിയാലോ?
ആവശ്യമായ ചേരുവകൾ
- റവ- 200 ഗ്രാം
- ശർക്കര- 4, 5 എണ്ണം
- നെയ്യ്- 1 ടേബ്ൾ സ്പൂൺ
- ഏലക്ക പൊടിച്ചത്- 1 ടീസ്പൂൺ
- അണ്ടിപ്പരിപ്പ്/തേങ്ങാക്കൊത്ത്‌- 2 ടേബ്ൾ സ്പൂൺ
- വെള്ളം- ഒരു ഗ്ലാസ്
തയ്യാറാക്കുന്ന വിധം
ഒരു പാൻ ചൂടാക്കി അതിലേക്ക് കുറച്ചു നെയ്യ് ഒഴിച്ചുകൊടുത്ത് അണ്ടിപ്പരിപ്പ് വറുത്തുകോരുക. ശേഷം അതേ പാനിൽ റവ ഒന്ന് വറുത്തെടുക്കുക. അതിലേക്ക് വെള്ളം ഒഴിച്ചുകൊടുത്ത് യോജിപ്പിച്ചെടുക്കുക. ശർക്കരപ്പാനി ഉണ്ടാക്കി അരിച്ച് മാറ്റിവെക്കുക. ശേഷം അതിലേക്ക് ഈ ശർക്കരപ്പാനി കൂടി ചേർത്തുകൊടുത്ത് നന്നായി കട്ടകെട്ടാതെ യോജിപ്പിച്ചെടുക്കുക. ഏലക്കപ്പൊടി ചേർത്തു കൊടുക്കുക. ബാക്കിയുള്ള നെയ്യുംകൂടി ചേർത്തു കൊടുത്ത് വറുത്തെടുത്ത അണ്ടിപ്പരിപ്പും ചേർത്ത് ഒന്നുകൂടി യോജിപ്പിച്ചെടുത്താൽ പഞ്ചസാരയും കളറും ചേർക്കാത്ത ഹെൽത്തിയായ റവ കേസരി റെഡി.
