അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നാം നിത്യവും ഉപയോഗിക്കുന്ന പല വസ്തുക്കളുടെയും പിന്നിലെ രഹസ്യങ്ങൾ പലപ്പോഴും ശ്രദ്ധിക്കാതെ പോകാം. ഇതിൽ പ്രധാനപ്പെട്ട ഒന്നാണ് സിം കാർഡുകൾ. സിം കാര്ഡിന്റെ നാലുമൂലകളില്‍ ഒരു മൂലയില്‍ ഒരു കട്ട് കണ്ടിട്ടില്ലേ? അതെന്തിനാണെന്ന് അറിയാമോ? മൊബൈല്‍ ഉപയോഗിക്കുന്ന 99 ശതമാനം പേര്‍ക്കും അറിയാത്ത കാര്യമാണിത്. ഇതൊരു വെറും ഡിസൈൻ പ്രത്യേകതയല്ല, മറിച്ച് സാങ്കേതികമായി വളരെ നിർണ്ണായകമായ ഒരു കാര്യത്തിനാണ് ഈ ‘കട്ട്’ നൽകിയിട്ടുള്ളത്.
എന്തിനാണ് സിം കാര്ഡിന്റെ ഒരു മൂലയില്‍ കട്ട് ഉള്ളത് ?
മൊബൈല്‍ ഫോണിന്റെ തുടക്കകാലത്ത് ചതുരാകൃതിയാലാണ് സിം കാര്‍ഡുകള്‍ വന്നിരുന്നത്. പലപ്പോഴും തലകീഴായ് കാര്‍ഡുകള്‍ ഫോണില്‍ ഉപയോക്താക്കള്‍ ഇടുകയും സിം ഉപയോഗശൂന്യമാവുകയും ചെയ്തതോടെയാണ് ഉപയോക്താക്കള്‍ക്ക് എങ്ങനെ ഇടണമെന്ന് വ്യക്തമായ ധാരണ ലഭിക്കുന്നതിനായി നിലവിലുളള രൂപകല്പനയില്‍ എത്തുന്നത്.
പോക-യോക് ഡിസൈന്‍ ആണ് സിം കാര്‍ഡ് രൂപകല്പനയ്ക്കായി ഉപയോഗിച്ചിരിക്കുന്നത്. ഇതൊരു ജാപ്പനീസ് വാക്കാണ്. സിം കാര്ഡിന്റെ അതേ മാതൃകയില്‍ ഫോണിലും സോക്കറ്റ് നിര്‍മിക്കാന്‍ തുടങ്ങിയതോടെ സിം തെറ്റി ഇടുക എന്നൊരു സംഗതി ഇല്ലാതായി. ഫോണില്‍ സിം കാര്‍ഡ് ശരിയായ രീതിയില്‍ ഇട്ടില്ലെങ്കില്‍ വളരെ നേര്‍ത്ത ചിപ്പ് കേടുവരും എന്ന് മാത്രമല്ല പ്രവര്‍ത്തിക്കുകയുമില്ല.
സബ്‌സ്‌ക്രൈബര്‍ ഐഡന്റിറ്റി മൊഡ്യൂള്‍ എന്നാണ് സിം എന്ന ചുരുക്കെഴുത്തിന്റെ പൂര്‍ണരൂപം. മിനി, മൈക്രോ, നാനോ തുടങ്ങി സാങ്കേതിക വിദ്യയുടെ വളര്‍ച്ചയോടെ സിം കാര്ഡിന്റെ വലിപ്പത്തില്‍ കാലക്രമേണ മാറ്റങ്ങള്‍ വന്നിരുന്നു. ഇനി ഇ സിം കാര്ഡിന്റെ കാലമാണ്.
മൊബൈല്‍ ഫോണിനെ സെല്ലുലാര്‍ നെറ്റ്‌വര്‍ക്കുമായി കണക്ട് ചെയ്യുക എന്നുള്ളതാണ് ഈ ഇത്തിരിക്കുഞ്ഞന്‍ സിം കാര്ഡിന്റെ ജോലി. ഒപ്പം സിം ഉപയോഗിക്കുന്ന വ്യക്തിയുമായി ബന്ധപ്പെട്ട ഡേറ്റയും. അതായത് സിം കാര്‍ജിന് ഒരു ഐഡി നമ്പര്‍ ഉണ്ടായിരിക്കും. അതാണ് ഇന്റര്‍നാഷ്ണല്‍ മൊബൈല്‍ സബ്‌സ്‌ക്രൈബര്‍ ഐഡന്റിറ്റി നമ്പര്‍.
അതുപോലെ മോഷണം ഉള്‍പ്പെടെയുള്ളവ തടയുന്നതിനായി പേഴ്‌സണല്‍ ഐഡന്റിഫിക്കേഷന്‍ നമ്പറും ഇതിന് ഉണ്ടായിരിക്കും. ഐഎംഎസ്‌ഐ ആണ് പ്രസ്തുത നെറ്റ്‌വര്‍ക്കിലെ ഉപയോക്താവിനെ തിരിച്ചറിയുന്നത്. ഇക്കാരണത്താലാണ് ഒരു കമ്പനിയുടെ സിം കാര്‍ഡിന് മറ്റൊരു കമ്പനിയുടെ നെറ്റ്്‌വര്‍ക്കുമായി കണക്ട് ചെയ്യാന്‍ സാധിക്കാത്തത്.
