അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കണ്ണൂർ: കാൽടെക്സ് സിഗ്നൽ ജംഗ്ഷനിൽ വെച്ച് കാറിന്റെ ഗ്ലാസ് വൃത്തിയാക്കുന്നത് തടഞ്ഞ യുവതിക്ക് നേരെ ആക്രോശിച്ച് ഉത്തരേന്ത്യൻ സംഘം. സംഭവത്തിൽ വാഹന യാത്രക്കാരെ ശല്യം ചെയ്ത രാജസ്ഥാൻ സ്വദേശിക്കെതിരെ കണ്ണൂർ ടൗൺ പൊലീസ് കേസെടുത്തു. ബോജ് രാജ് ബഗ്ദി ( 19) ആണ് വാഹന യാത്രക്കാരെ ശല്യം ചെയ്തത്. സംഭവത്തിന്റെ ദൃശ്യങ്ങൾ ‘മീഡിയ വൺ’ ആണ് പുറത്തുവിട്ടത്.
കാൽടെക്സ് ഗാന്ധി സർക്കിളിൽ സ്റ്റോപ്പ് സിഗ്നൽ തെളിയുന്ന സമയത്ത് നിർത്തിയിരുന്ന വാഹനങ്ങളുടെ ഗ്ലാസ് അനുവാദമില്ലാതെ വൃത്തിയാക്കുകയും, വേണ്ടെന്ന് പറയുന്ന യാത്രക്കാരോട് മോശമായി പെരുമാറുകയും ചെയ്തെന്നാണ് രാജസ്ഥാൻ സ്വദേശിക്കെതിരെയുള്ള കേസ്. എൽ ഐ സി ജീവനക്കാരിയായ ശ്രീലതക്ക് നേരെ ആയിരുന്നു കാൽടെക്സിലെ സിഗ്നലിൽ വച്ച് ഉത്തരേന്ത്യന്‍ സംഘം അപമര്യാദയായി പെരുമാറിയത്. ശ്രീലത മൊബൈലിൽ ചിത്രീകരിച്ച ദൃശ്യങ്ങൾ അടക്കം കണ്ണൂർ ടൗൺ പൊലീസിൽ പരാതി നൽകുകയായിരുന്നു.
