അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.നെയ്യാറ്റിൻകര: തിരുവനന്തപുരം ജില്ലയിലെ കാഞ്ഞിരംകുളത്ത് ഒരു പൗൾട്രി ഫാമിൽ തെരുവുനായ്ക്കളുടെ കൂട്ടമായ ആക്രമണത്തിൽ നൂറുകണക്കിന് കോഴികൾ ചത്തു. ഉടമകൾക്ക് ലക്ഷങ്ങളുടെ കനത്ത നഷ്ടമാണ് ഈ സംഭവത്തിൽ സംഭവിച്ചിരിക്കുന്നത്.
കാഞ്ഞിരകുളം കഴിവൂരിലെ രാജു-സുനിതകുമാരി ദമ്പതികൾ നടത്തിവന്ന ഐശ്വര്യ പൗൾട്രി ഫാമിലാണ് ആക്രമണം നടന്നത്. വരുന്ന ദീപാവലി വിപണി ലക്ഷ്യമിട്ട് തമിഴ്നാട്ടിൽ നിന്ന് എത്തിച്ച ആയിരത്തിലധികം കോഴികളെയാണ് ഇവിടെ വളർത്തിയിരുന്നത്.
ഫാമിന്റെ ഷെഡ്ഡിന്റെ സംരക്ഷണ ഭിത്തി തകർത്താണ് നായ്ക്കളുടെ കൂട്ടം ഉള്ളിൽ പ്രവേശിച്ചത്. തുടർന്ന്, ഇവ കൂട്ടത്തോടെ കോഴികളെ കടിച്ചുകൊല്ലുകയായിരുന്നു. കണക്കുകൾ പ്രകാരം, മൂന്നര ലക്ഷം രൂപയോളം നഷ്ടമുണ്ടായതായി ഫാം ഉടമകൾ അധികൃതരെ അറിയിച്ചു.
