അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.തിരുവനന്തപുരം: എയിഡഡ് സ്‌കൂളുകളിലെ ഭിന്നശേഷി അധ്യപക സംവരണ വിഷയത്തിൽ മന്ത്രി വി ശിവൻകുട്ടിയുമായി ഫോണിൽ സംസാരിച്ച് കെസിബിസി അധ്യക്ഷൻ മാർ ബസേലിയോസ് ക്ലിമീസ് ബാവ.
പ്രശ്‌നപരിഹാരം ഉണ്ടാകുമെന്ന് മന്ത്രി ഉറപ്പുനൽകിയതായാണ് സൂചന. ഭിന്നശേഷി നിയമന വിഷയത്തിൽ ക്രിസ്തീയ സഭകൾ നിലപാട് കടുപ്പിച്ചത്തോടെയാണ് സർക്കാർ കടുത്ത നിലപാടിൽ നിന്ന് അയഞ്ഞത്. തെരഞ്ഞെടുപ്പ് അടുത്തതോടെ പ്രശ്‌നം പരിഹരിക്കാൻ മുഖ്യമന്ത്രിയും ഇടപെട്ടിരുന്നു. ഇതോടെയാണ് എതിർപ്പുള്ളവരും ആയി ചർച്ച നടത്താനുള്ള തീരുമാനം.
ക്രിസ്തീയ സഭകളുടെ പ്രതിഷേധം തുടരുന്നതിനിടെയാണ് കെസിബിസി അധ്യക്ഷൻ മാർ ക്ലിമിസ് ബാവ മന്ത്രി വി ശിവൻകുട്ടിയുമായി സംസാരിച്ചത്. കഴിഞ്ഞദിവസമാണ് ഇരുവരും ആശയവിനിമയം നടത്തിയത്.
