അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഇന്ത്യാ സന്ദർശനത്തിനെത്തിയ യു കെ പ്രധാനമന്ത്രി കെയര്‍ സ്റ്റാർമർ ഇന്ന് പ്രധാനമന്ത്രി നരേന്ദ്ര മോദിയുമായി കൂടികാഴ്ച്ച നടത്തും. മുംബൈയിലെ മഹാരാഷ്ട്ര രാജ് ഭവനില്‍ വെച്ചാകും കൂടികാഴ്ച്ച. വ്യവസായ പ്രമുഖരും വൈസ് ചാൻസലർമാരും അടക്കം നൂറിലേറെ പേർ അടങ്ങുന്ന സംഘമാണ് ബ്രിട്ടീഷ് പ്രധാനമന്ത്രിക്കൊപ്പം മുംബൈയിൽ എത്തിയത്.
നിക്ഷേപം, സാങ്കേതികവിദ്യ, പ്രതിരോധരംഗം തുടങ്ങിയ വിവിധ മേഖലകളിൽ പരസ്പര സഹകരണം കൂടുതൽ ശക്തമാക്കാനുള്ള നടപടികൾ പ്രധാനമന്ത്രിമാർ ചർച്ചചെയ്യും. ബ്രിട്ടീഷ് പ്രധാനമന്ത്രിയായ ശേഷം കെയർ സ്റ്റാർമർ ആദ്യമായാണ് ഇന്ത്യയിൽ എത്തുന്നത്. ഗ്ലോബൽ ഫിൻടെക് ഫെസ്റ്റിലും കെയർ സ്റ്റാർമർ പങ്കെടുക്കും.
അതേസമയം ജൂലൈ മാസം പ്രധാനമന്ത്രി നരേന്ദ്രമോദി ബ്രിട്ടനിൽ എത്തി സ്വതന്ത്ര വ്യാപാര കരാറിൽ ഒപ്പുവെച്ചിരുന്നു.
