അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കോഴിക്കോടിന്റെ രുചിക്കൂട്ടുകൾക്ക് എന്നും ഒരു പ്രത്യേക സ്ഥാനം തന്നെയുണ്ട്. അതിൽ മുൻപന്തിയിലാണ് അലിക്കാസ് ബിരിയാണിയിലെ വൈറൽ ‘നൂറ് ബിരിയാണി’. നൂറ് ബിരിയാണി എന്ന് പേര് വരൻ കാരണം നൂറുദ്ധീൻ ഉണ്ടാക്കുന്നതുകൊണ്ടല്ല, 100 രൂപയ്ക്കായിരുന്നു ഇവിടെ ബിരിയാണി കൊടുത്തുകൊണ്ടിരുന്നത്. ഇന്ന് 120 രൂപയ്ക്കാണ് കൊടുക്കുന്നത്. ചിക്കനും ബീഫും ഒരേ വിലയ്ക്കാണ് ലഭിക്കുന്നത്. കാലിക്കട്ട് റെയിൽവേ സ്റ്റേഷന് സമീപം കെ.പി. കേശവ മേനോൻ റോഡിൽ മാനാഞ്ചിറയിൽ സ്ഥിതി ചെയ്യുന്ന ഈ ചെറിയ കട ഇന്ന് സോഷ്യൽ മീഡിയയിൽ വൻ തരംഗമാണ്.
മലബാർ ശൈലിയിലുള്ള കോഴിക്കോടൻ ദം ബിരിയാണിക്ക് അതിൻ്റേതായ പ്രത്യേകതകളുണ്ട്. സാധാരണ ബസുമതി അരിക്ക് പകരം സുഗന്ധമുള്ള കൈമ അരിയാണ് ഇവിടെ ഉപയോഗിക്കുന്നത്. മാംസം, അതായത് ചിക്കനോ മട്ടനോ, അധികം മസാലകൾ ചേർക്കാതെ, നല്ല സുഗന്ധവ്യഞ്ജനങ്ങളാൽ സമ്പന്നമാക്കി സാവധാനമാണ് പാകം ചെയ്യുന്നത്. ചിക്കൻ ബിരിയാണിയും ബീഫ് ബിരിയാണിയും ഇവിടെ ലഭ്യമാണ്.
മലബാർ ശൈലിയിൽ ചെറിയ കൈമ അരി ഉപയോഗിച്ച് ഉണ്ടാക്കുന്ന ബിരിയാണിയുടെ രുചി തന്നെയാണ് പ്രധാന ആകർഷണം]. മാംസം നന്നായി പാകപ്പെടുത്തി, മസാലകൾ അമിതമാക്കാതെ തയ്യാറാക്കുന്നതിനാൽ ആർക്കും ഇഷ്ടപ്പെടുന്ന ഒരു സ്വാദാണിത്. വെറും 120 രൂപയ്ക്ക് ഇത്രയും രുചികരമായ ബിരിയാണി ലഭിക്കുന്നത് ഈ കാലഘട്ടത്തിൽ വലിയൊരു കാര്യമാണ്. ആളുകളെ ഇവിടേക്ക് ആകർഷിക്കാൻ ഇതുതന്നെയാണ് ഒരു കാരണം. ഒരു പ്ലേറ്റ് ബിരിയാണിയോടൊപ്പം ഒരു ചെറിയ കഷ്ണം ചിക്കൻ ഫ്രൈ കോംപ്ലിമെന്റായി ലഭിക്കും, ഇത് ഭക്ഷണം കഴിക്കുന്നവരെ കൂടുതൽ സന്തോഷത്തിലാക്കും.
വെള്ളിയാഴ്ച്ച ചിക്ക പൊരിച്ച ബിരിയാണിയും ഫിഷ് ബിരിയാണിയും ഉണ്ടാകും, ബുധനാഴ്ച ബിരിയാണി ഇല്ല, ബുധനാഴ്ചകളിൽ നെയ്ച്ചോറും ബീഫ് സ്റ്റുവും ചിക്കൻ മുളകിട്ടതുമാണ് സ്പെഷ്യൽ.
ഉച്ചയ്ക്ക് 12 മണി മുതൽ 3:30 വരെയാണ് ബിരിയാണി ഇവിടെ ലഭിക്കുക. കാലിക്കറ്റ് റെയിൽവേ സ്റ്റേഷന്റെ നാലാം പ്ലാറ്റ്ഫോമിന് പുറകിൽ നിന്ന് നടന്നടുക്കാവുന്ന ദൂരമേയുള്ളൂ ഇവിടേക്ക്. ട്രെയിൻ യാത്രക്കാർക്ക് വേണമെങ്കിൽ പാഴ്സൽ വാങ്ങി ട്രെയിനിൽ വെച്ച് കഴിക്കാനും സാധിക്കും. കോഴിക്കോട് സന്ദർശിക്കുന്നവർക്ക് തീർച്ചയായും പരീക്ഷിച്ചുനോക്കാവുന്ന ഒന്നാണ് അലിക്കാസ് ബിരിയാണിയിലെ ‘നൂറ് ബിരിയാണി’.
വിലാസം: അലിക്കാസ് ബിരിയാണി (നൂറു ബിരിയാണി), 9/1065, കെ പി കേശവ മേനോൻ റോഡ്, മാനാഞ്ചിറ, കോഴിക്കോട്, കേരളം 673001
വില: 120 രൂപ (ചിക്കൻ/ബീഫ് ബിരിയാണി)
