എങ്ങോട്ടാണ്‌ ഈ പോക്ക്? ഇന്ന് വീണ്ടും സ്വർണവില ഉയർന്നു

സംസ്ഥാനത്ത് സ്വർണവില ഇന്ന് പുത്തൻ റെക്കോർഡ് തീർത്തിരിക്കുകയാണ്. ഒരു പവൻ സ്വർണത്തിന് വില 91,120 രൂപയാണ്. കഴിഞ്ഞ ദിവസം രാവിലെ വിലയിടിഞ്ഞു എങ്കിലും, ഉച്ചയ്ക്ക് ശേഷം വീണ്ടും വില ഉയർന്നു. 90,720 എന്ന പുതിയ റെക്കോർഡ് കുറിച്ചതും ഇതേദിവസം തന്നെ. ഒരു ഗ്രാം സ്വർണം വാങ്ങാൻ ഇപ്പോൾ നൽകേണ്ട തുക 11,390 രൂപയാണ്.

കേരളത്തിന്റെ ചരിത്രത്തിൽ ആദ്യമായി സ്വർണ്ണ വില പവന് 90,000 രൂപ കടന്ന്, ഒക്ടോബർ 8 ന് 840 രൂപ ഉയർന്ന് 90,320 രൂപയിലെത്തി.

പണിക്കൂലി, ജിഎസ്ടി, ഹോള്‍ മാര്‍ക്കിങ് ഫീസ് എന്നിവ കൂടി ചേർത്ത് ഒരു പവന്റെ ആഭരണത്തിന് വൻ വില നൽകേണ്ട സ്ഥിതിയാണ്. സ്വര്‍ണാഭരണത്തിന്റെ കുറഞ്ഞ പണിക്കൂലി 5 ശതമാനമാണ്. ഓരോ ദിവസം കഴിയുന്തോറു സ്വർണവിലയിൽ മാറ്റമുണ്ടോ എന്ന് ഉറ്റ് നോക്കുകയാണ് സാധാരണക്കാർ.

ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കുന്നത്.