അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കൊച്ചി പള്ളുരുത്തി സെന്റ് റീത്താസ് സ്‌കൂളില്‍ ഹിജാബ് ധരിച്ചെത്തിയ കുട്ടിയെ വിലക്കിയതുമായി ബന്ധപ്പെട്ട് സ്‌കൂള്‍ പൂട്ടിയിരിക്കുകയാണ്. സ്‌കൂളിന്റെ ഡയറിയില്‍ പറഞ്ഞിട്ടുള്ള യൂണിഫോം ധരിക്കാന്‍ മുസ്ലിം വിദ്യാര്‍ത്ഥിനി തയ്യാറാകാത്തതാണ് പ്രധാന കാരണം. ഹിജാബ് ധരിച്ച് സ്‌കൂളിന്റെ മാന്വല്‍ ധിക്കരിച്ചുവെന്ന കുറ്റമാണ് കുട്ടിയുടെ മേല്‍ മാനേജ്‌മെന്റ് ചാര്‍ത്തിയത്. എന്നാല്‍, കുട്ടിയുടെ മാതാപിതാക്കളെ മാനേജ്‌മെന്റ് വിളിച്ചു വരുത്തി പ്രശ്‌നം അവതരിപ്പിച്ചെങ്കിലും മാതാപിതാക്കള്‍ സ്‌കൂളിന്റെ നിയമത്തേക്കാള്‍ മതത്തിന്റെ ചട്ടക്കൂടിനെ മാനിച്ചു. ഇതോടെ, കന്യാസ്ത്രീകള്‍ ഹിജാബ് ധരിച്ചെത്തിയ വിദ്യാര്‍ത്ഥിനിക്ക് സ്‌കൂളില്‍ കയറാന്‍ അനുവാദമില്ലെന്ന് അറിയിച്ചു.
ഇത് ചോദ്യം ചെയ്യാന്‍ എസ്.ഡി.പി.ഐ സംഘടന സ്‌കൂളില്‍ കയറിയതോടെ സ്‌കൂള്‍ മാനേജ്‌മെന്റ് ഭയന്നു. തുടര്‍ന്ന് സ്‌കൂള്‍ അവധി പ്രഖ്യാപിക്കുകയായിരുന്നു. കഴിഞ്ഞ ഏഴാം തീയതിയാണ് സംഭവം ഉണ്ടായത്. സ്‌കൂളില്‍ മറ്റു സംഘര്‍ഷങ്ങള്‍ക്ക് സാധ്യതയുണ്ടെന്ന് കണ്ട് രണ്ടു ദിവസത്തെ സ്റ്റഡിലീവ് അനുവദിച്ചുകൊണ്ടാണ് മാനേജ്‌മെന്റ് സ്‌കൂള്‍ പൂട്ടിയത്. എന്നാല്‍, കോടതി വിധി വന്നിരിക്കുന്നത് സ്‌കൂള്‍ യൂണിഫോം ധരിച്ചുവേണം കുട്ടികള്‍ സ്‌കൂളില്‍ വരാനെന്നാണ്. നാളെ മുതല്‍ സ്‌കൂള്‍ തുറന്നു പ്രവര്‍ത്തിക്കണമെന്നും കോടതി നിര്‍ദ്ദേശിച്ചിട്ടുണ്ട്. ഈ വിഷയത്തില്‍ കുറച്ചുകൂടി ആധികാരികമായി മനസ്സിലാക്കേണ്ട വിഷയം ഇതാണ്.
ആ സ്‌കൂള്‍ ആരുടെ കീഴിലുള്ളതാണ്. അവിടെയുള്ള കുട്ടികളില്‍ ഭൂരിഭാഗം പേരും ഏതു മതത്തില്‍പ്പെട്ടവരാണ്. അവിടുത്തെ ടീച്ചര്‍മാര്‍ക്ക് യൂണിഫോമുണ്ടോ. കുട്ടികള്‍ക്ക് യൂണിഫോം ധരിക്കുന്നതില്‍ ബുദ്ധിമുട്ടുണ്ടോ എന്നതും അറിയേണ്ടതുണ്ട്. ഇതെല്ലാം വലിയ പ്രശ്‌നം തന്നെയാണ്. ക്രിസ്ത്യന്‍ മാനേജ്‌മെന്റാണ് സ്‌കൂള്‍ നടത്തിപ്പുകാര്‍. സ്‌കൂള്‍ നടത്തിപ്പുകാരും ടീച്ചര്‍മാരും കന്യാ സ്ത്രീകളുടെ വേഷം ഇട്ടാണ് വരുന്നത്. ഇത് ഒരു മതത്തിന്റെ ചിഹ്നമാണ്. അല്ലാതെ ആ സ്‌കൂളിലെ ടീച്ചര്‍മാരുടെയോ മാനേജ്‌മെന്റിന്റെയോ യൂണിഫോം കോഡല്ല. ടീച്ചര്‍മാരും സ്‌കൂള്‍ മാനേജ്‌മെന്റും മതാചാരപ്രകാരം വസ്ത്രം ധരിച്ചെത്തുകയും കുട്ടികള്‍ക്ക് യൂണിഫോം നിര്‍ബന്ധമാക്കുകയും ചെയ്യുന്നതില്‍ എന്ത് യുക്തിയാണ് ഉള്ളത് എന്നത് ഒരു ചോദ്യമാണ്.
ഹിജാബ് ഇടുന്നത് മതഭ്രാന്തിന്റെ ചിഹ്നമായി കാണാതിരുന്നാല്‍ തീരുന്ന പ്രശ്‌നമേയുള്ളൂ. എന്നാല്‍, സ്‌കൂളില്‍ പഠിക്കുന്ന കുട്ടിക്ക് പഠനമാണോ അതോ മത ചിഹ്നമാണോ വേണ്ടതെന്ന് ചിന്തിക്കേണ്ടതുണ്ട്. ഇതുവരെംയും ഇല്ലാതിരുന്ന മതചിന്ത പെട്ടെന്നു സംഭവിച്ചതിലും ദുരൂഹതയുണ്ട്. എന്നാല്‍, മുസ്ലിം കുട്ടിയുടെ ഹിജാബ് കണ്ടപ്പോള്‍ ഹാലിളകിയ കന്യാസ്ത്രീകള്‍ തങ്ങളുടെ തലയില്‍ ഇട്ടിട്ടുള്ള ക്രിസ്ത്യന്‍ ഹിജാബ് കണ്ടില്ലെന്നു നടിക്കരുത്. അത് ഇട്ടുകൊണ്ടാണ് മുസ്ലീം കുട്ടിയുടെ ഹിജാബിനെ വുമര്‍ശിക്കുന്നതെന്ന് മനസ്സിലാക്കേണ്ടതുണ്ട്.
- എന്താണ് ഹിജാബ് ?
മുസ്ലീം സ്ത്രീകള്‍ തങ്ങളുടെ മാന്യതയും വിശ്വാസവും പ്രകടിപ്പിക്കുന്നതിനായി ധരിക്കുന്ന ഒരു ശിരോവസ്ത്രമാണ് ഹിജാബ്. ഇത് തലയില്‍ ചുറ്റിപ്പിടിച്ച് മുടി, കഴുത്ത്, ചെവി എന്നിവ മൂടുന്നു. മുഖം മാത്രം ദൃശ്യമാകുന്നു. പല സന്ദര്‍ഭങ്ങളിലും ശിരോവസ്ത്രവും അയഞ്ഞതും മറയ്ക്കാത്തതുമായ വസ്ത്രവും ഹിജാബ് എന്നും അറിയപ്പെടുന്നു. മുസ്ലീം ലോകത്തെ സാംസ്‌കാരിക വൈവിധ്യത്തിന്റെ ഒരു ഉദാഹരണം കൂടിയാണ് ഹിജാബ്. ഹിജാബിന് ആഴത്തിലുള്ള മതപരമായ അര്‍ത്ഥമുണ്ട്.
- ഹിജാബിന്റെ ഉത്ഭവം ?
ഇസ്ലാമിക രാജ്യങ്ങളില്‍ ആദ്യമായി ഹിജാബ് ധരിക്കുന്നത് പതിവില്ല. മുഹമ്മദിന് മുമ്പ്, ഏഴാം നൂറ്റാണ്ടിന് മുമ്പുതന്നെ ഹിജാബിന്റെ ചരിത്രം ആരംഭിച്ചു. ആദ്യകാലങ്ങളില്‍ പര്‍ദ്ദ ധരിക്കുന്നത് സാമൂഹിക പദവിയുടെ പ്രകടനമായി കണക്കാക്കപ്പെട്ടിരുന്നു. മുഹമ്മദ് ഒരു ശക്തനായ നേതാവായി മാറിയപ്പോള്‍, തന്റെ ഭാര്യമാരെ മറ്റ് പുരുഷന്മാരില്‍ നിന്ന് വേര്‍പെടുത്തേണ്ടത് ആവശ്യമാണെന്ന് അദ്ദേഹം കരുതി. എ.ഡി. 627-ല്‍, പ്രവാചകന്‍ മുഹമ്മദിന്റെ ഭാര്യമാര്‍ മറ്റുള്ളവരുടെ കണ്ണുകളില്‍ നിന്ന് സ്വയം ഒറ്റപ്പെടാന്‍ ഒരു മൂടുപടം ധരിച്ചു. ഇസ്ലാം പേര്‍ഷ്യയില്‍ പ്രവേശിച്ചതോടെ മൂടുപടം പ്രചാരത്തിലായി. ക്രമേണ ഇസ്ലാമിക സംസ്‌കാരത്തിന്റെ ഭാഗമായി. മുസ്ലീങ്ങള്‍ക്ക് ഹിജാബിന്റെ പ്രാധാന്യം കാണിക്കുന്ന ഏഴ് വാക്യങ്ങള്‍ ഖുര്‍ആനിലുണ്ട്. ചില വിദഗ്ധര്‍ വിശ്വസിക്കുന്നത് ഹിജാബ് മുസ്ലീം സ്ത്രീകള്‍ക്കും പുരുഷന്മാര്‍ക്കും വേണ്ടി പരാമര്‍ശിക്കപ്പെടുന്നു എന്നാണ്.
സ്ത്രീകള്‍ എളിമയ്ക്കായി ശരീരം മറയ്ക്കാന്‍ ഹിജാബ് ധരിക്കുമ്പോള്‍, പുരുഷന്മാര്‍ ലൈംഗികാഭിലാഷം നിയന്ത്രിക്കാന്‍ നോട്ടം താഴ്ത്തുന്നു. 1970കളില്‍, പാശ്ചാത്യ വസ്ത്രങ്ങള്‍ മുസ്ലീം രാജ്യങ്ങളില്‍ മുഖ്യധാരയായി. എന്നാല്‍ സോവിയറ്റ്-അഫ്ഗാന്‍ യുദ്ധം പോലുള്ള ചില സംഭവങ്ങള്‍ക്ക് ശേഷം ഈ സ്ഥിതി മാറി. 1979ലെ ഇറാനിയന്‍ വിപ്ലവത്തിനു ശേഷം, ഹിജാബ് ‘ഭക്തരായ മുസ്ലീമിന്റെ’ പ്രതീകമായി പുനര്‍നിര്‍വചിക്കപ്പെട്ടു. ഇറാനില്‍ സ്ത്രീകള്‍ ഹിജാബ് ധരിക്കാന്‍ നിര്‍ബന്ധിതരായി, സൗദി അറേബ്യയിലെ മുസ്ലീം അല്ലാത്ത സ്ത്രീകളും സ്വയം മൂടാന്‍ നിര്‍ബന്ധിതരായി. മതപരമായ ഭരണം, വ്യക്തിപരമായ വിശ്വാസം, രാഷ്ട്രീയ പോരാട്ടങ്ങള്‍ എന്നിവയാണ് ഹിജാബ് ചരിത്രം രൂപപ്പെടുത്തുന്നത്. ചരിത്രം മനസ്സിലാക്കുന്നത് ആളുകളെ ഹിജാബ് സംസ്‌കാരത്തിന്റെ സത്യം മനസ്സിലാക്കാന്‍ സഹായിക്കുന്നു.
- സ്ത്രീകള്‍ ഹിജാബ് ധരിക്കുന്നത് എന്തുകൊണ്ട്?
വ്യക്തിപരമായ തിരഞ്ഞെടുപ്പ്: തെക്കുകിഴക്കന്‍ ഏഷ്യന്‍ മുസ്ലീം രാജ്യങ്ങളില്‍, സ്ത്രീകള്‍ ദൈവത്തോടുള്ള വിശ്വാസത്തിന്റെയും അനുസരണത്തിന്റെയും ഒരു പ്രവൃത്തിയായി ഹിജാബ് ധരിക്കുന്നു. പ്രായപൂര്‍ത്തിയായതിനുശേഷം ദൈവത്തോടുള്ള ഭക്തിയും എളിമയും പ്രകടിപ്പിക്കാന്‍ അവര്‍ ഹിജാബ് ധരിക്കാന്‍ തിരഞ്ഞെടുക്കുന്നു.
ഇസ്ലാമിക ഐഡന്റിറ്റി: സൗദി അറേബ്യയിലും മറ്റ് മുസ്ലീം രാജ്യങ്ങളിലും, ഹിജാബ് കുടുംബങ്ങളിലൂടെ കൈമാറ്റം ചെയ്യപ്പെട്ട ഒരു ദീര്‍ഘകാല പാരമ്പര്യമാണ്. ഇത് കുടുംബം, രാഷ്ട്രം, രാജ്യം എന്നിവയുമായി ബന്ധപ്പെട്ടിരിക്കുന്നു. കുടിയേറ്റത്തിന്റെ കാര്യത്തില്‍, മറ്റ് രാജ്യങ്ങളില്‍ താമസിക്കുന്ന ആളുകള്‍ അവരുടെ ഇസ്ലാമിക ഐഡന്റിറ്റി പ്രകടിപ്പിക്കാന്‍ ഹിജാബ് ധരിക്കാന്‍ ഇഷ്ടപ്പെടുന്നു.
മതപരമായ ബാധ്യത: മുസ്ലീം സ്ത്രീകളെ സംബന്ധിച്ചിടത്തോളം, പൊതുസ്ഥലങ്ങളില്‍ ഹിജാബ് ധരിക്കുന്നത് ഒരു മതപരമായ ആചാരമാണ്. കര്‍ശനമായ ഒരു സമൂഹത്തില്‍ വീട്ടിലോ അടുത്ത ആളുകളുടെ ഇടയിലോ പോലും അവര്‍ ഹിജാബ് ധരിക്കേണ്ടതുണ്ട്. സ്ത്രീകളെ പുരുഷന്മാരുടെ നോട്ടത്തില്‍ നിന്ന് അകറ്റി നിര്‍ത്തുക, ഇസ്ലാമിനോടുള്ള വിശ്വാസവും ഭക്തിയും പ്രകടിപ്പിക്കുക, അവരുടെ ഇഷ്ടം അല്ലാഹുവിന് സമര്‍പ്പിക്കുക എന്നിവയാണ് ഹിജാബ് ധരിക്കുന്നതിന്റെ ഉദ്ദേശ്യം.
CONTENT HIGH LIGHTS;Is the hijab a symbol of religious fanaticism?: Which is greater, school rules or religious norms?; Those who wear the Kanya dress say they shouldn’t wear the hijab?
