അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കമ്മ്യൂണിസ്റ്റ് പാര്‍ട്ടിക്ക് വേരോട്ടമുള്ള മണ്ണാണ് ബിഹാര്‍. സംസ്ഥാനത്ത് വരാനിരിക്കുന്ന തിരഞ്ഞെടുപ്പില്‍ കരുത്തുകാട്ടാന്‍ ഒരുങ്ങുകയാണ് ഇടതു പാര്‍ട്ടികള്‍.
കഴിഞ്ഞ തിരഞ്ഞെടുപ്പിലെ മികച്ച സ്ട്രൈക്ക് റേറ്റിന്റെ ആത്മവിശ്വാസത്തിലാണ് കമ്മ്യൂണിസ്റ്റ് പാര്‍ട്ടികള്‍ ഇത്തവണ പോരാട്ടത്തിന് ഇറങ്ങുന്നത്. കര്‍ഷകരുടെയും സാധാരണക്കാരുടെയും പ്രശ്നങ്ങള്‍ ഉയര്‍ത്തിക്കാട്ടിയാകും പ്രചാരണം.
കര്‍ഷക ഗ്രാമങ്ങള്‍ ഉള്‍പ്പെടുന്ന വടക്കന്‍ ബിഹാറിലെ ആരാ, ജഹനാബാദ്, സിക്ത തുടങ്ങിയ മണ്ഡലങ്ങള്‍ സിപിഐഎംഎല്ലിന്റെ ശക്തി കേന്ദ്രമാണ്. പിപ്ര, ബംഗ തുടങ്ങിയ മണ്ഡലങ്ങളില്‍ സിപിഐക്കും വലിയ സ്വാധീനമുണ്ട്.
മധുബനിയും ബഗുസരായും ഇടതു കേന്ദ്രങ്ങളാണ്. ബിഹാറിലെ ഇടതുവേരോട്ടം ആര്‍ജെഡി കോണ്‍ഗ്രസ് സഖ്യത്തിന് കരുത്തേകും. ഇത് കൂടാതെ ബിഹാറിലെ ഒട്ടുമിക്ക മണ്ഡലങ്ങളിലും ഇന്ന് ഇടതു പാര്‍ട്ടികള്‍കളുടെ സ്വാധീനമുണ്ട്.
