അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.നാലു മണി പലഹാരമായി എന്തുണ്ടാക്കും എന്ന് പലപ്പോഴും നമ്മൾ കൺഫ്യൂഷൻ അടിച്ചിരിക്കാറുണ്ട്. എളുപ്പത്തിൽ എന്നാൽ രുചികരമായി എന്ത് തയ്യാറാക്കും എന്ന് ആലോചിച്ച് ഇനി തല പുകയ്ക്കണ്ട. ഇതാ ഒരു കിടിലൻ റെസിപ്പി. നാലുമണിക്ക് എപ്പോഴും കുട്ടികൾക്ക് കേക്കും മറ്റ് ബേക്കറി സാധനങ്ങളും കൊടുത്ത് അവരെ മുഷിപ്പിക്കേണ്ട. ഇതേ ടീ കേക്കോ സ്പോഞ്ച് കേക്കോ ഉണ്ടെങ്കിൽ വീട്ടിൽ എളുപ്പത്തിൽ തയ്യാറാക്കാം രുചികരമായ കേക്ക് ബോൾസ്.
ചേരുവകൾ
ടീ കേക്ക് (പൊടിച്ചത്) – മൂന്ന്ക പ്പ്
ഗ്ലൂക്കോസ് ബിസ്ക്കറ്റ് പൊടിച്ചത് – ഒരു കപ്പ്
പഞ്ചസാര പൊടിച്ചത് – നാല് സ്പൂൺ
ഇൻസ്റ്റന്റ് കാപ്പിപ്പൊടി– ഒരു സ്പൂൺ
വെണ്ണ – രണ്ട് സ്പൂൺ
നാരങ്ങാനീര് – അര സ്പൂൺ
കശുവണ്ടിപ്പരിപ്പ് ചെറുതായി നുറുക്കി നെയ്യിൽ മൂപ്പിച്ചത് – കാൽ കപ്പ്
തയ്യാറാക്കുന്ന വിധം
ആദ്യം വലിയ അരിപ്പയിൽ കേക്കു പൊടിച്ചതും ബിസ്ക്കറ്റ് പൊടിച്ചതും അരിച്ചെടുക്കുക. ഇതിൽ കാൽ കപ്പ് മാറ്റി വച്ചശേഷം ബാക്കി പൊടിയും വെണ്ണ, പഞ്ചസാര പൊടിച്ചത്, ഇൻസ്റ്റന്റ് കാപ്പിപ്പൊടി, നാരങ്ങാനീര് എന്നിവയും ചേർത്തു മയപ്പെടുത്തി യോജിപ്പിച്ചെടുക്കണം. ഇതിൽ കശുവണ്ടിപ്പരിപ്പും ചേർത്ത് ചെറിയ ഉരുളകളാക്കി മാറ്റി വച്ച പൊടിയിൽ ഉരുട്ടിയെടുക്കുക. രുചികരമായ കേക്ക് ബോൾസ് റെഡി. നാലുമണി ചായയ്ക്ക് ഇനി വേറൊന്നും വേണ്ട.
