അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.സംസ്ഥാനത്ത് മഴ കനക്കുകയാണ്. കേരളത്തിന്റെ വിവധ ഭാഗങ്ങളിൽ പരക്കെ ശക്തമയായ മഴയാണ് പെയ്യുന്നത്. ഇടുക്കി ജില്ലയിൽ ശക്തമായ മഴ തുടരുകയാണ്. പലയിടങ്ങളിലും വെള്ളം കയറിയ അവസ്ഥയിലാണ്. നെടുങ്കണ്ടത്ത് നിരവധി വീടുകളിൽ വെള്ളം കയറിയിട്ടുണ്ട്.
കൂട്ടാർ, തേർഡ്ക്യാമ്പ്, സന്യാസിയോട, മുണ്ടിയെരുമ, തൂക്കുപാലം, താന്നിമൂട്,കല്ലാർ തുടങ്ങിയ ടൗണുകളിൽ വെള്ളത്തിനടിയിലാണ്. റോഡുകളും കടകളിലും കൃഷിയിടങ്ങളിലും കനത്ത വെള്ളക്കെട്ടാണുള്ളത്. നിലവിൽ കല്ലാർ ഡാമിൻ്റെ ഷട്ടറുകൾ മുഴുവൻ ഉയർത്തിയിട്ടുണ്ട്, നാല് ഷട്ടറുകളാണ് പൂർണമായും ഉയർത്തിയത്. ഈ അടുത്ത കാലത്ത് ഡാമിന്റെ മുഴുവൻ ഷട്ടറുകളും തുറക്കുന്ന സാഹചര്യമുണ്ടായിട്ടില്ല. 2018ലെ പ്രളയകാലത്താണ് ഇതിന് മുൻപ് ഡാമിൻറെ മുഴുവൻ ഷട്ടറുകളും പൂർണമായും ഉയർത്തിട്ടുള്ളത്.
ശക്തമായ മഴയിൽകട്ടപ്പന റേഷൻ കട കുന്തളംപാറയിലെ തോട് കരകവിഞ്ഞ് ഒഴുകുകയാണ്. ബാലഗ്രാം ടൗൺ, മുണ്ടിയെരുമ, താന്നിമൂട് എന്നീ പ്രദേശങ്ങളിൽ വെള്ളക്കെട്ട് രൂക്ഷമായി തുടരുകയാണ്. നിലവിൽ നദീ തീരത്തുള്ളവർക്ക് ജാഗ്രതാ നിർദേശം നൽകിയിട്ടുണ്ട്.
