അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഹൽവ കഴിക്കാൻ കൊതിക്കാത്തതായി ആരാണുള്ളത്. മധുരം നിറഞ്ഞ പഞ്ഞിപോലുള്ള സോഫ്റ്റ് ഹൽവ എങ്ങനെയാണ് തയ്യാറാക്കുന്നത് എന്ന് ചിന്തിച്ചിട്ടുണ്ടോ? ഒരു മുറി ബീറ്റ്റൂട്ട് കൈയ്യിലുണ്ടെങ്കിൽ വളരെ കുറച്ചു ചേരുവകൾ ഉപയോഗിച്ച് ഇതേ ഹൽവ ഹെൽത്തിയായി സ്വയം റെഡിയാക്കിയെടുക്കാം. ബീറ്റ്റൂട്ടിൻ്റെ പോഷക ഗുണങ്ങൾ ഇതിലൂടെ ലഭിക്കും.
ചേരുവകൾ
ബീറ്റ്റൂട്ട്- 1 കപ്പ്
പാൽ- 2 കപ്പ്
ശർക്കര- 1/2 കപ്പ്
കശുവണ്ടി, ബദാം, – 2 ടേബിൾസ്പൂൺ
നെയ്യ്- 3 ടേബിൾസ്പൂൺ
ഏലയ്ക്കാപ്പൊടി – 1/2 ടീസ്പൂൺ
തയ്യാറാക്കുന്ന വിധം
ബീറ്റ്റൂട്ട് ഗ്രേറ്റ് ചെയ്ത് ഒരു കപ്പിലെടുക്കാം. അത് നന്നായി അരച്ചെടുത്ത് ഒരു കുക്കറിലേയ്ക്കു മാറ്റാം. ഇതിലേയ്ക്ക് പാൽ ഒഴിച്ച് അടച്ചു വച്ച് കുറഞ്ഞ് തീയിൽ മൂന്ന് വിസിൽ വരെ വേവിക്കാം. ശേഷം തണുക്കാൻ മാറ്റി വയ്ക്കാം.ഇത് തണുത്തതിനു ശേഷം ശർക്കരപൊടിച്ചത്, ഏലയ്ക്കപ്പൊടി, എന്നിവ ചേർത്തിളക്കി യോജിപ്പിക്കാം. ഈ മിശ്രിതം തയ്യാറാക്കിയത് അടുപ്പിൽ വച്ച് തിളപ്പിക്കാം.തിളച്ചു വരുന്ന മിശ്രിതത്തിൽ നിന്ന് വെള്ളം ഊറ്റിയെടുത്തു മാറ്റാം. ശേഷം പാത്രത്തിലേയ്ക്കു മാറ്റി തണുക്കാൻ വയ്ക്കാം. ഇത് ഫ്രിഡ്ജിൽ വച്ച് രണ്ടോ മൂന്നോ ദിവസം തണുപ്പിക്കാൻ. ഇനി ഹൽവ ഇഷ്ടം പോലെ കഴിക്കാം.
