അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഇസ്രയേലുമായുള്ള ഗാസ സമാധാന കരാർ പാലിക്കുന്നതിൽ പരാജയപ്പെട്ടാൽ ഹമാസിനെ ഉന്മൂലനം ചെയ്യുമെന്ന മുന്നറിയിപ്പുമായി യുഎസ് പ്രസിഡന്റ് ഡോണൾഡ് ട്രംപ്. രണ്ട് ഇസ്രയേൽ സൈനികരെ ഹമാസ് വധിച്ചുവെന്ന ആരോപണവുമായി ഐ‍ഡിഎഫ് രംഗത്തുവന്നിരുന്നു. ഇതിനുപിന്നാലെയാണ് ഹമാസിന് ട്രംപ് മുന്നറിയിപ്പ് നൽകിയത്.
ഹമാസുമായി ഞങ്ങൾ ഒരു കരാറിൽ ഏർപ്പെട്ടു. അവർ വളരെ നല്ലവരായിരിക്കും. അവർ അങ്ങനെയല്ലെങ്കിൽ, ഞങ്ങൾ അവിടെ പോകും, വേണ്ടിവന്നാൽ അവരെ ഉന്മൂലനം ചെയ്യും. അവർക്ക് അത് നന്നായി അറിയാം – ട്രംപ് പറഞ്ഞു.
അതേസമയം ഹമാസിനെതിരെ ഇസ്രയേൽ കഴിഞ്ഞ ദിവസം ആക്രമണം നടത്തുകയും ഗാസയിലേക്കുള്ള സഹായ വിതരണം നിർത്തിവയ്ക്കുകയും ചെയ്തിരുന്നു. കുട്ടികൾ ഉൾപ്പെടെ 45 പലസ്തീനികൾ ഇസ്രയേലിന്റെ ആക്രമണത്തിൽ ഗാസയിൽ കഴിഞ്ഞദിവസം കൊല്ലപ്പെട്ടിരുന്നു.
