അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കോഴിക്കോട് പേരാമ്പ്രയിൽ വീട്ടിൽ അതിക്രമിച്ചു കയറി വയോധികയെ പീഡിപ്പിച്ച സംഭവത്തിൽ പ്രതി അറസ്റ്റിൽ. പേരാമ്പ്ര പാലേരി സ്വദേശിയായ കൂനിയോട് ചെറുവലത്ത് ജയപ്രകാശ് (54) ആണ് പോലീസിന്റെ പിടിയിലായത്. കഴിഞ്ഞ വ്യാഴാഴ്ച ഉച്ചയോടെയാണ് സംഭവം നടന്നത്.
മറ്റാരുമില്ലാത്ത സമയം മനസ്സിലാക്കി വീട്ടിലെത്തിയ പ്രതി, 85 വയസ്സുള്ള വയോധികയെ ബലമായി പീഡിപ്പിക്കുകയായിരുന്നുവെന്നാണ് പരാതി. തിങ്കളാഴ്ച വയോധികയുടെ ബന്ധുക്കൾ പേരാമ്പ്ര പോലീസിൽ പരാതി നൽകുകയായിരുന്നു.
ഇതോടെ ഒളിവിൽ പോയ പ്രതിയെ കഴിഞ്ഞ ദിവസം മുയിപ്പോത്ത് വെച്ച് ഇൻസ്‌പെക്ടർ ജംഷീദിന്റെ നേതൃത്വത്തിലുള്ള പോലീസ് സംഘം പിടികൂടുകയായിരുന്നു. നാടിനെ നടുക്കിയ ഈ ക്രൂരകൃത്യത്തിൽ പോലീസ് കർശന നടപടികൾ സ്വീകരിച്ചുവരികയാണ്.
