അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.പനീർ കറി വെജിറ്റേറിയൻ പ്രേമികളുടെ ഇഷ്ടവിഭവമാണ്. ഇനി എളുപ്പത്തിൽ തയാറാക്കിയാലോ? സവാളയും തക്കാളിയും ഒന്നും വഴറ്റാതെ എളുപ്പത്തിൽ പനീർ കറി ഉണ്ടാക്കുന്നത് എങ്ങനെയെന്ന് നോക്കാം.
ചേരുവകൾ
സവാള :4
തക്കാളി :3
പനീർ :500ഗ്രാം
അണ്ടി പരിപ്പ് :10
മുളക് പൊടി :1ടീസ്പൂൺ
മഞ്ഞൾ പൊടി :1/2ടീസ്പൂൺ
മല്ലിപൊടി :1ടീസ്പൂൺ
ഗരം മസാല
കസൂരി മേതി
മസാല :
ഗ്രാമ്പു :2
പട്ട :1
ഏലക്കായ :2
മല്ലി :1ടേബിൾ സ്പൂൺ
പെരുംജീരകം :1/4ടീസ്പൂൺ
ഉപ്പ്
എണ്ണ
തയ്യാറാക്കുന്ന വിധം
ഒരു കുക്കറിൽ മസാലകൾ ഇട്ട് മൂത്തതിനു ശേഷം വെള്ളം ഒഴിച്ച് സവാള, തക്കാളി, അണ്ടിപരിപ്പ്, ആവശ്യത്തിന് ഉപ്പ് ചേർത്ത് വേവിക്കുക. ഒരു പാത്രത്തിൽ പനീർ, മുളക്പൊടി, മഞ്ഞൾ പൊടി, ഗരം മസാല, ഉപ്പ് ചേർത്ത് കുറച്ച് നേരം വെച്ചതിനുശേഷം എണ്ണ ഒഴിച്ച് വഴറ്റിയെടുക്കുക. ചൂടാറിയതിനു ശേഷം കുക്കറിലെ വെള്ളം മാറ്റി അരച്ചെടുക്കുക. ഒരു പാനിൽ എണ്ണ ഒഴിച്ച് ചൂടായാൽ ഇഞ്ചി, വെളുത്തുള്ളി പേസ്റ്റ് ചേർത്ത് മൂത്തതിനു ശേഷം പൊടികൾ ചേർക്കുക. അരച്ചത് ചേർത്ത് നന്നായി വഴറ്റി പനീർ ചേർക്കുക. കുക്കറിലെ വെള്ളം ചേർത്ത് അഞ്ച് മിനിറ്റ് ചെറുതീയിൽ വയ്ക്കുക. അവസാനം കസൂരി മേത്തി, ഫ്രഷ് ക്രീം ചേർത്ത് വാങ്ങുക. പനീർ കറി തയാർ.
